大小魔怪好鐘意食西蘭花，
佢哋成日叫我整芝士焗西蘭花，
食得多都厭啦!
都係揀清清哋，
用燴嘅方式都唔錯架!
材料: 西蘭花2個、雞髀菇1隻、蒜蓉、鹽、紹酒
調味: 蠔油1湯匙、豉油、老抽、糖和粟粉各1茶匙、水半碗
做法: 西蘭花切件加少許鹽出水1分鐘後盛起備用；
燒熱油鑊爆香蒜蓉落西蘭花快炒，贊酒和加少許鹽調味，
加半碗水煮至西蘭花熟後盛起；雞髀菇用濕布抹去表面污物後切片；
燒熱鑊落雞髀菇煎煎表面，(收乾菇本身水份)
係鑊邊落油加蒜蓉快炒雞髀菇，落調味煮滾至汁杰身後，
將雞髀菇放在西蘭花面成便。
大家可以入嚟Facebook讚下我新開嘅Fans專頁呀!
我最近好少買西蘭花添，咁煮好食呀.
回覆刪除我都幾常煮西蘭花架!
刪除西蘭花間唔中先食,都唔知點煮好.
回覆刪除最簡單用芝士白汁焗囉!
刪除雀后,妳剛剛留下地址,揾到妳喇地方唔錯喎,我會常黎架！哎吔！忘記帶節瓜甫黎做手信！唔識留言唔知咁得唔得！
回覆刪除Flora，歡迎妳呀，妳幾時會搬blog，記得通知我呀!
刪除雞髀菇加咗蠔油好似鮑魚！
回覆刪除係呀，扮上菜都得呀!
刪除初睇以為係鮑片
回覆刪除哈哈，都有D似架!
刪除我都以為你炒嚮螺片或者鮑片架！好正喎！
回覆刪除哈哈，都有D似架!
刪除雞髀菇..好食又易買, 放入雪柜, 可以放一段時間都得...!
回覆刪除係呀，我呢隻雞髀菇買咗9蚊咋!
刪除請問係未放雪柜普通格都可以放一星期？
刪除唔好放雪櫃咁耐，最好盡快食咗佢啦!
刪除亞仔真識食，要用芝士煮西蘭花
回覆刪除佢哋係芝士怪嘛!
刪除雞脾菇俾你整到似鮑片, 想唔流口水都唔得.
回覆刪除哈哈，扮上菜都得呀!
刪除雞脾菇煮齋好呀，可以扮肉XD
回覆刪除我都覺得似肉架!
刪除雞脾菇加蠔油 好味呀 !!
回覆刪除雞脾菇加蠔油，絕配呀!
刪除西蘭花又好食又有益,我都成日買架!
回覆刪除我都係呀!
刪除咁啱嘅, 琴晚我都係煮西蘭花
回覆刪除我哋心靈相通呀!
刪除我也好愛吃西蘭花啊！而且現在又平又靚^^
回覆刪除我呢度有時賣8蚊2個呀!
刪除