啫啫雞!

我嘅傷風感冒咳已經踏入14日啦!

好彩係依家好番八八九九啦!

老公都有投訴我次次病親都要成半個月先好番，

要我好好檢討下喎!

今次整呢個啫啫雞，

我食得最多唔係雞和豬膶，

而係洋蔥和蔥呀!

 

材料: 雞1隻、豬潤$8、洋蔥1個、蒜頭和乾蔥頭各6粒、

薑4片(唔記得落)、蔥段5-6條、紹酒1湯匙

醃料(雞): 豉油1湯匙、老抽半湯匙、鹽半茶匙、糖和粟粉1茶匙、

蛋白1個、紹酒、麻油和薑汁各少許

醃料(豬潤): 薑汁、紹酒、生抽、麻油各1茶匙、胡椒粉少許

調味: 蠔油2湯匙、豉油1湯匙、糖1茶匙、粟粉1茶匙和水3湯匙

做法: 雞和豬潤用醃料醃1小時，

(豬潤要沖去血水和用廚紙印乾水份先好醃呀!)

洋蔥切片；燒熱易潔鑊加1湯匙油，落雞件煎至8成熟後盛起；

燒熱鑊加少許油爆香蒜頭、乾蔥頭、蔥頭和洋蔥快炒1分鐘左右，

倒入雞件贊酒炒多1-2分鐘，加入調味和豬潤快炒數十下後，

加蓋焗5分鐘或汁濃乾身便成。

  

大家可以入嚟Facebook讚下我新開嘅Fans專頁呀!
雀后(添飯)Facebook Fan Page