2013年2月15日 星期五

朱家例湯~西洋菜紅蘿蔔咸鴨腎排骨湯!(加果皮)

 
又係朱家例湯呀!

每次煲親呢個湯，

大小魔怪唔係用飯碗飲架，

而係用大湯碗，

起碼每人飲3大碗以上，

仲要食埋湯渣，

一D都唔嘥架!



材料: 西洋菜1斤半、紅蘿蔔2個、咸鴨腎4個、排骨$40、

蜜棗4粒、南北杏和果皮適量

做法: 西洋菜用鹽水浸20-30分鐘，洗2次；排骨出水後用少許鹽醃咸；

鴨腎、蜜棗和南北杏清洗備用；果皮浸軟去白色囊；

燒熱一煲水，將所有材料放入煲內，用大火煲滾後轉細火，

煲至1.5小時後，撈起咸鴨腎切片，再放入煲內煲多30分鐘，

加鹽調味便成。

(溫馨提示: 水滾後加西洋菜就唔會有苦澀味o架啦!)
 

大家可以入嚟Facebook讚下我新開嘅Fans專頁呀!


張貼者： 於
標籤：

沒有留言 :

張貼留言

如果大家覺得我煮嘅餸菜啱哂口味嘅話，不妨留個言，鼓勵下我啦!

訂閱： 張貼留言 ( Atom )