2013自家製蘿蔔糕~出爐啦!

 

今日又係蒸糕嘅時候啦!

每年我都係蒸一款糕~蘿蔔糕!

今次蒸咗兩底糕，

一底原味係母親大人嘅，

另一底係XO醬蘿蔔糕係我哋嘅!

嘻嘻，

仲有我嘅至愛~心心頭啖糕!

 

 

材料: 3個蘿蔔(約5斤多少少)、粘米粉一包(600g)、臘腸4條、

臘肉1條、蝦米4兩、薑數片、冰糖1小粒和浸蝦米水1碗

調味: 鹽2.3茶匙、胡椒粉適量(按自己喜好落鹽調味)

做法: 蘿蔔去皮洗淨刨絲；臘腸、臘肉蒸熟切粒備用；蝦米浸軟；

唔使落油爆香臘味和蝦米後盛起；

唔使洗鑊加薑片炒蘿蔔絲滾起後加冰糖，

煮至蘿蔔變透明色，(如水多不用加蝦米水)

落臘味和蝦米攪勻，加鹽和胡椒粉調味熄火，

將1包粘米粉逐少分3-4次左右加入蘿蔔絲裡，

不斷攪拌至粉和蘿蔔絲混合為止，

隔水蒸1.5小時便成。(記得留番少少臘味舖係蘿蔔糕面)

(XO醬蘿蔔糕係蒸完先將XO醬放入面o架!)

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page