冬瓜粒湯!

呢排大魔怪好鬼忙，

今日一放學即刻入房做功課，

仲話唔食飯添!

做媽咪睇到真係好心痛，

唔怕，

有媽咪愛心靚湯，

加埋一大碗飯落去，

唔使10分鐘食哂啦!

 

炒粒粒!

 

係又濕又熱嘅日子裡面，

真係冇咩胃口食飯，

所以噚晚我煲咗煲潮州粥，

加埋呢個炒粒粒用嚟送粥一流呀!

 

麵包製作精選初班(第六堂)

噚日呢堂學整香蔥火腿包、菠蘿包、椰絲奶油包!

真係唔學都唔知菠蘿包皮係用豬油搓，

亞Sir話唔用豬油冇咁香o架，

我哋果果同學仔都O哂咀；

拔，

當個菠蘿包一出爐，

唔理三七廿一我哋個個即刻試食1/4個，

好味到同街買一樣呀!

至於我嘅至愛椰絲奶油包，

食完1個之後，

真係有少少罪惡感囉!

為3位爸爸預早慶祝父親節!

我email 中咗毒，

如果見到我send 過任何訊息俾大家，

請即delete ！

噚日係天后整完個鮮果乳酪卷後，

即刻趕入沙田，

為三位爸爸~姐夫、妹夫和我老公，

預早慶祝父親節呀!

其實咪又係一家人想食番餐嘅藉口囉!

今次唔係出街食，

而係買海鮮返姐姐屋企煮呀。

大廚唔係我，

係姐夫，

我呢???

我梗係坐响麻雀枱打牌啦!

鮮果乳酪卷!

今日，

我同Lonely一齊去學整鮮果乳酪卷，

由整蛋糕，

打忌廉和蛋糕造型，

都係自己一手一腳做，

好玩呀!

海蜇燻蹄&蕃茄薯仔甘荀湯!

 

成個5月份，

個個星期六我都要返工，

真係好鬼攰o架!

理智上有工返係好，

不過心理和身理上唔想返囉！

 

冇胃口呀!

 

唔知係咪天氣熱嘅關係呢，

連平時食力無窮嘅大小魔怪，

都好似冇咩胃口咁；

今日煮呢個豆腐希望啱大家食啦!
 

芝士肉鬆包&芝士腸仔包!

學整麵包時，

亞sir話用開果隻芝士碎好鬼平，

見又幾好食，

咪叫亞sir幫我哋一大班同學仔訂囉!

訂完係上堂時一齊分，

真係好開心o架!

買咗1000g Mozzarella cheese，

都係$100咋!

日式咖喱吉列豬扒飯!

星期一晚上去學整麵包，

係元朗食咗一個把鬼嘅日式咖哩吉列豬扒飯，

豬扒"鞋烚烚"，

咖哩又唔好味，

都係自己整好食D囉!

 

醬燒豬頸肉!

咪睇呢6塊豬頭肉好似好細塊咁呀，

其實切起上嚟好鬼多o架，

切咗4塊已經擺滿咗個碟，

都係留番2塊第日食，

咁又可以做另一個餸囉!

 

麵包製作精選初班(第五堂)

 

今日呢堂學整牛角包、牛油千層、號角包!

美味嘅嘢梗係唔健康o架啦，

見落咁多牛油，

個個同學仔都嘩嘩聲，

不過焗好即食時，

超超超正呀!

 

號角包

牛角包

 

牛油千層

 
   

 

  

大家可以入嚟Facebook讚下我新開嘅Fans專頁呀!
 
雀后(添飯)Facebook Fan Page

老人餐~蟹柳蒸水蛋!

 

奶奶年紀大，

腸胃梗係會有唔暢通，

係住醫院前佢已經冇便便啦!

出咗醫院後，

我即刻煲呢個湯俾佢飲，

飲完唔夠一個鐘頭，

舒服哂!

加埋個滑滑蟹柳蒸水蛋，

啱哂老人家食呀!

 

放心!

 

今晚去醫院探望奶奶，

了解所知係老人家年紀大(96歲)，

膝關節水腫兼發炎，

現在要用腳墊穩定膝頭以免再弄傷，

又要做物理治療，

仍未知出院日期!

下午放工即滷定牛展，

等探病後可以返家煮飯呀!

入院!

今朝奶奶因骨痛入咗醫院，

照過X-RAY，

未知痛楚嘅原因，

依家要留院觀察，

未知幾時可以返屋企呀???

簡簡單單煮咗呢幾樣餸俾大小魔怪食呀!

 

夏日好去處~荃灣麗都灣(11咪半)

 

前幾日同同事去探路，

因為遲下6月中要帶幼稚園小朋友去沙灘玩沙，

目的地是荃灣麗都灣!

(深井青山公路 11 咪半)

我記得細細過時姨姨都帶過我哋嚟游水，

不過記憶唔深囉!

之後因為水質逐漸變差，

所以都好少再嚟玩啦!

聽講仲曾經關閉過o架!

經過香港環境保護處咁多年嘅努力，

依家水質改善咗好多，

仲適合游水添，

所以係舊年呢度又重申開放啦!

依家變成點，

睇相啦!

麵包製作精選初班(第四堂)

 

噚日呢堂學整南瓜包、吉士忌廉包、扭紋杏仁條!

終於學識整吉士醬即奶黃餡，

遲D又有好嘢食啦!

南瓜包、吉士忌廉包、扭紋杏仁條

吉士忌廉包

扭紋杏仁條

南瓜包、扭紋杏仁條

  

  

大家可以入嚟Facebook讚下我新開嘅Fans專頁呀!   雀后(添飯)Facebook Fan Page