涼瓜菜脯炒蛋!

今日老公去政府牙科檢查牙齒， 


我就順便排期檢查牙齒兼洗牙，

唔排都唔知咁誇張，

原來新証要排到2013年呀!

雖然公務員和家屬免費啫，

但都唔使排咁耐o架!

至於老公???

佢主要係排期脫智慧齒，

心中想起碼要等一年半載先有得脫，

點知個醫生話呢排冇期喎，

不如今日幫你脫啦!

就係咁，

老公脫咗隻智慧齒啦!

材料:涼瓜1個、即食菜脯1包、蛋3隻、蔥粒和鹽 

做法: 涼瓜切開去核切片，用鹽醃15-20分鐘後， 

燒熱水將涼瓜出水1分鐘後瀝乾水份；

雞蛋打發好後加入菜脯和蔥粒攪勻，

(發蛋不須加鹽，因即食菜脯已經有調味)

燒熱油鑊，落涼瓜快炒，加蛋液炒勻便成。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page