今日下午放咗工，
我約埋lonely一齊入大埔，
等埋lonely囡囡、照顧她的姨姨和孫女，
佢哋帶我去見識見識呢間好多人話好食嘅豬扒麵，
我哋去到都差不多2點，
好多人呀!
唔知係咪多人食嘢出單唔唔切，
跟單姐姐又成日出錯，
俾D食客罵到暈呀!
最最最唔掂係坐膠櫈同埋地下太滑，
以我有番咁上下斤兩，
好易"凳"親嘛!
食飽飽，
梗係要去聞名已久嘅梁九記逛一逛啦!
以下呢D就係梁九記買嘅凍肉有:
蟹棒、烏冬、豚燒肉漢堡飽、黑豚豬扒。
仲有係食豬扒麵後面舖頭買嘅砵仔糕
呢盒就係lonely請我食嘅肉燥加蛋啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!