懶人炒烏冬!

 

失眠原來是一件慘事!

 

昨晚瞓到半夜竟然醒咗，

 

平時我會好快會瞓番，

 

不過唔知點解，

 

竟然瞓唔著，

 

仲聽到老公D鼻鼾聲，

 

好嘈呀!

 

睇睇原來得1點幾鐘，

 

唉!唯有推醒佢叫佢唔好嘈，

 

哈哈!老公竟然識得問我佢平時唔嘈咩???

 

我話我點知喎!

 

平時我一覺天光，

 

今日就瞓唔著嘛!

 

唔夠瞓自然冇心情煮餸，

 

唯有食懶人炒烏冬啦! 

 

驚唔夠食，洗咗2杯米煲飯!

 

有飯、有烏冬，仲有餸添!

     

 

椰菜叉燒炒烏冬

 

 

材料: 烏冬4包、半斤叉燒、乾蔥蓉

 

醬汁: 蠔油、老抽、豉油、糖、粟粉和水大半碗

 

做法: 先將烏冬出水，用少少老抽撈勻上色；

 

落乾蔥蓉炒熟椰菜後加烏冬和醬汁快炒至汁濃，

 

加入叉燒攪勻便成。

 

     

 

黑椒茄子雞柳

 

 

材料: 雞柳、茄子2條、蒜蓉

 

醃料: 豉油、糖、粟粉、麻油、黑椒粒和酒

 

醬汁: 蠔油、老抽、糖和水

 

做法: 雞柳用醃料醃半小時；起油鑊落蒜蓉炒雞柳和茄子；

 

加醬汁煮滾至汁濃為止。

 

 

 
 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page