孜然豬寸骨!

 

自從係中國買咗孜然粉之後，

 

耐不耐我都想用佢嚟整嘢食。

 

不過老公話孜然味道好怪，

 

但大魔怪和我就非常鐘意啦!

 

大魔怪仲話有燒烤嘅風味呀!

 

所以今日放咗工後落到元朗，

 

見到急凍舖有豬寸骨賣，

 

忍唔住我又買咗嚟整啦!

     

 

孜然豬寸骨

 

 

材料: 豬寸骨、孜然粉、蒜蓉、乾蔥蓉和蔥蓉

 

醃料: 豉油、老抽、糖、酒

 

做法: 用醃料醃豬寸骨半日(醃過夜仲好味道)；落油炸豬寸骨至熟；

 

爆香蒜蓉、乾蔥蓉和蔥蓉，加豬寸骨快炒，灑上孜然粉便成。

 

(加埋辣椒粒就perfect啦!)

 

     

     

 

蠔油薑蔥煀鯇魚

 

 

材料: 鯇魚、枝竹、豆腐卜、薑和蔥

 

調味: 蠔油、豉油、老抽、酒、糖和水2碗半

 

做法: 鯇魚洗淨用鹽和胡椒粉醃一會兒；

 

落油鑊煎煎魚兩面至金黃色盛起備用；爆香薑和蔥頭，

 

下調味煮滾後，加枝竹和鯇魚炆5-8分鐘左右，

 

最後落豆腐卜再炆至汁濃，加蔥段便成。(可加粟粉埋獻)    

 

P.S. 買完豬寸骨我先記起大魔怪今早去咗露營，

 

        明天先返屋企。

 

 

唯有留番幾條豬寸骨俾佢食啦!

 

        真係好難先收埋3條俾大魔怪食咋!

 

 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page