噚晚整咗酥炸南乳雞翼，
大家都話好好食，
連平時唔多食雞翼嘅母親大人都食咗2隻，
有脆卜卜雞翼，
祈祈BB都唔執輸，
一樣食咗2隻呀！
新裝修後，
母親大人、姐姐姐夫、妹妹妹夫第一次入嚟食飯，
個個讚裝修後間屋好光猛，
好舒服!
之前好多人都問過我，
點解我煮嘅雞翼會脹卜卜呢???
其實好簡單，
因為我煮雞翼唔會煮好耐，
滾起計煮5分鐘就熄火，
等剩下熱力慢慢浸熟雞翼，
咁D雞翼就會好滑溜架啦!
今晚食炒烏冬，
我諗住炒多少少(4個烏冬)可以留嚟做明天早餐，
點知原來我哋倆公婆好大食，
竟然俾我哋食哂呀!
米飯班主話想食鴨腳，
我梗係唔可以say no啦!
拿拿臨去買材料，
開飯啦!
其實前幾日我都已經開始咳咳哋，
噚晚仲咳得犀利咗添，
咳到呢瞓得唔係咁好呀!
今日好想飲湯，
見到蕃茄靚，
就煲佢~蕃茄薯仔牛肉湯，
增加維他命C都好架!
哈，
呢排我真係好鬼懶，
除咗唔係好想煮飯之外，
仲冇咩心情寫blog添呀!
襯今日係星期日，
懶得就懶，
整個快餐食下都幾好架!
打工仔終於可以享受打風假期啦!
今朝8號風球期間，
我間屋吹到正，
如果唔扣緊個窗，
個窗肯定會吹落街呀!
老公一早約咗朋友嚟食飯，
好彩下午開始轉風向，
冇影響大家嘅興致呀!
打風唔成3日雨，
今日落雨落唔停，
黃紅黑雨都出齊，
聽講嚟緊又有個颱風嚟緊，
唔得，
聽日要去超市入定貨先得囉!
今朝買唔到飛排排骨，
唯有買一字排骨蒸嚟食，
雖然有少少肥，
但蒸出嚟肉哋都好滑架!
落雨打風的日子，
濕濕淋淋冇地方去，
最好就係番係屋企煲湯喇!
清補涼煲雞腳豬腱湯，
好飲架!
