今日整金湯酸菜魚肥牛鍋，
材料有肥牛、魚片、蓮藕、芽菜和金菇，
用咗呢包金湯酸菜魚包，
鐘意加咩材料都得，
好方便架!
老公和大小魔怪都食到lam lam脷呀!
原本今日我想炒米粉，
但老公話炒河粉好食喎，
咁就炒河粉啦!
肉碎雞蛋生菜炒河粉，
炒咗3個河粉，
足夠我和老公分兩餐食，
懶人嘅我真係要講聲~正呀喂!
今晚炆咗一大鍋咖哩蘿蔔牛筋腩，
點知大魔怪話唔返嚟食飯，
不過唔緊要喎，
咖哩隔日食仲入味呀!
今日買咗舊冬瓜炆釀豆腐卜，
加咗粉絲落去一齊煮，
粉絲當飯食，
我鐘意呀!
前兩日買咗生菜，
剩食生菜好似齋咗少少，
所以開咗2罐即食鮑魚加餸，
大小魔怪話做咩咁好餸，
嘻嘻，
7月喇!
又到出糧嘅大日子，
大家識做啦!
今日買咗半斤韭菜花嚟炒，
摷到屋企仲有魷魚乾和蝦乾，
落少少辣XO醬和肉絲一齊炒，
呢碟小炒王特別惹味呀!
今日買咗隻冰鮮雞，
本來諗住整咸雞，
但小魔怪話想食芥末手撕雞，
雖然已經醃咸咗隻雞，
咁唯有改一改食法啦!
今日煲金羅漢果菜乾湯，
加咗豬腱、紅蘿蔔、粟米、南北杏和蜜棗，
啖湯甘甘甜甜，
有清熱、潤肺、生津、止咳等功效。
6月28~6月30日，
我、老公和姑奶3個人返咗惠州，
响羅湖搭大巴返惠州65人仔，
車程1小時15分鐘，
之後搭的士直接去隆生金山湖中心食午餐；
隆生金山湖店～膳益豬肚雞，
美團165套餐，
3人份食得好滿足，
有豬肚雞煲、菜、煲仔飯、霸王蝦餃、肥牛和酸梅湯。
今日又用我淘返嚟嘅方便醬整紅燒排骨呀!
加咗2個薯仔落去一齊炆，
食薯仔都食飽呀!
