2015朱家團年飯

 

今年團年同往常一樣，

 

母親大人和妹妹一家都會嚟一齊過年；

 

第一次煮乾鮑，

 

都好嘥時間去處理呀!

 

 

賀年準備(三)~2015朱家製蘿蔔糕

 

噚日去街市買白蘿蔔，

 

嘩，

 

成個街市好逼人，

 

買菜俾錢都要排廿幾人；

 

早D買定靚靚蘿蔔，

 

今朝一早就可以開工啦!

 

年年都係呢個配方，

 

亞媽教落~五斤蘿蔔1斤粘米粉，

 

想削D就要加多少少蘿蔔啦!

雜菜咖哩雞

 

突然好想食辣嘢，

 

唔好理咁多，

 

一於煮煲咖哩雞，

 

配埋香酥餅，

 

過下口癮先得!

淮山杞子圓肉花膠雞腳湯

 

今日靚湯~淮山杞子圓肉花膠雞腳湯。

屋企有齊哂所有材料，

剩係買舊豬展返嚟就即刻可以煲啦!

都係果句啦~女人係要補架!

哈，

小魔怪真係識食，

唔單只飲湯，

仲專揀食花膠，

唔通佢都想補下???

 

賀年準備(二)~炸印尼蝦片

 

見開油鑊炸腰果，


咪順便炸埋印尼蝦片囉!


過年時用嚟招呼親朋好友，


好受歡迎架!


印尼蝦片，


係賣印尼食品舖頭買，


$30盒呀!

 

賀年準備(一)~炸腰果

 

開始準備一下過年嘅食品啦!

 

例牌指定動作~炸腰果。

 

今年買到靚靚腰果$68斤，

 

足秤兼大粒，

 

真係幾難先遇到咁靚架!

 

炸完腰果，

 

要快D收埋我呢樽寶貝，

 

唔係未到過年就會俾人偷食架啦!

 

嘻嘻!

我驚連我自己都忍唔住偷食埋一份呀!

冬菇瑤柱炆豬肉

 

師奶即係師奶，

 

見平就買埋買埋一大堆嘢；

 

幾日前大掃除，

 

俾老公發現咗我買咗好多冬菇返屋企，

 

下令一定要清喎!

 

軍令如山，

 

不得違抗!

 

如果加埋生菜墊底，

 

咁就可以做一個賀年餸啦!

 

 

常嚐素pizza

 

今日工人姐姐放假，

 

我煮咗午餐和茶點，

 

晚餐???

 

我都放假囉~叫外賣!

 

就大魔怪食素，

 

叫咗常嚐素4人pizza餐$218，

 

見冇菜，

 

灼個素蠔油生菜，

 

又攪掂一餐囉!

 

地址~天水圍嘉湖新北江商場一期地下A68~A70舖

 

電話~34878821

 

 

鱆魚雞粒冬菇煲仔飯

呢個鱆魚雞粒冬菇煲仔飯，

 

本來係昨晚晚餐，

 

點知全家男士都唔返嚟食飯，

 

唯有改為今日食啦!

銅鑼灣滿屋

 

今日約咗朋友仔去食日式放題，

 

地點係銅鑼灣廣場2期8樓。

 

呢隻D魚生唔錯架，

 

不過每次叫帶子刺身時，

 

佢都唔會俾多，

 

叫10件嚟得3件，

 

叫20件就嚟6件，

 

所以食得唔夠喉囉!

 

午市日式放題$188兼要加一呀!