滷水雜錦~豬肚、豬大腸、火雞腎

計下計下，

原來我都好耐冇整過滷水豬肚和豬大腸食啦!

今日挑起條為食筋，

拿拿臨去凍肉舖買材料先得，

今次滷咗豬肚、豬大腸和火雞腎，

老公大讚好食，

緊係啦!

我剩係清理豬肚和豬大腸嘅肥膏，

都攪咗好耐呀!

材料: 急凍豬肚1個、急凍豬腸3條、火雞腎4個、薑6片、

蔥段適量、紹酒1湯匙

調味: 老抽6湯匙、豉油2湯匙、冰糖3大粒、八角2粒、桂皮適量、香葉3片

做法: 豬肚、豬大腸和火雞腎解凍後，

放入熱水鑊內加入薑2片、蔥段和紹酒出水8分鐘後沖水；

豬肚開邊剪去肥膏；豬大腸剪開數段後，

將豬腸反入露出豬腸內肥膏，用鉸剪剪去較肥部份；

將4碗水和調味先煮滾，落薑4片、豬肚、豬大腸滷1個小時，

加火雞腎再滷多20分鐘，取出待涼切片，

將滷汁淋在滷味便成。

~剩咗嘅滷水汁可以放入雪櫃，用嚟滷雞翼腸仔都得架!

 

大家可以入嚟Facebook讚下我新開嘅Fans專頁呀! 
 

雀后(添飯)Facebook Fan Page