雜菜粉絲素牛丸

平時大魔怪唔like食飯，

剩食素菜嘅話，

我都驚佢唔夠飽架!

好在佢仲食烏冬、粉絲、通粉和意粉等麵食；

今日我煮咗雜菜粉絲素牛丸，

啱哂佢嘅口味啦!

咸魚肉碎炒飯

今晚得我和老公兩個人食飯，

見雪櫃有幾碗冷飯，

一於炒冷飯食算囉!

之前買咗件咸魚收我成廿皮，

都唔平架!

薯仔洋蔥排骨

今晚得3個人食飯，

簡簡單單炆咗煲薯仔洋蔥排骨，

加埋碟炒西蘭花，

咁又一餐囉!

原煲上枱，

慳返唔使洗多隻碟呀!

沙爹粉絲蝦煲

清哂啦!

今晚終於清哂中秋節燒烤剩低嘅嘢食啦!

連食咗3日肉，

睇怕要停一排唔食豬扒和雞翼喇!

今晚整沙爹粉絲蝦煲，

都係燒烤時食剩嘅食物之一，

蝦煲辣辣哋，

超級惹味呀!

中秋BBQ

中秋節去姐姐家BBQ，

呢個節目已經變咗我哋每年例牌必做嘢事呀!

今次全部食物由姐姐和姐夫負責買，

我哋就負責食；

買得多自然食唔哂，

我全部打包拎返緊企，

嘩，

今次有排食囉!

糯米蒸排骨

噚日執廚房，

見到有少包糯米係度，

又係時候要消滅佢啦!

今次用佢嚟整我至愛嘅糯米蒸排骨，

咁就飯都可以唔使煮啦!

(希望可以啦!)

中秋節快樂

襯今日齊人返嚟食飯，

拿拿臨簡簡單單提早做節慶中秋啦喂!

今餐連隻雞都冇，

只買咗燒烤雞扒代替，

嘻嘻好慳皮啊!

馬來西亞肉骨茶

上次煲肉骨茶，

小魔怪話唔夠佢食喎!

今次就買足料嚟煲呢煲肉骨茶，

點知小魔怪臨時唔返嚟食飯，

咁唯有我同老公一齊嘆頭啖湯啦!

歐式麵包中班~第七、八堂

第七堂~酸奶麵包&俄式咸麵包&鄉村麵包條

Long time no see~平昌Premium

T&P係澳洲返咗嚟香港，

緊係要約出嚟見見面啦!

金魚、娘娘、Bonnie、Mabel、T&P伉儷連埋我，

一行7人去莊士倫敦廣場5樓嘅平昌Premium食韓式放題!

韓國雪條係要like佢facebook先有得送架!

素湯~粟米紫菜蛋花湯

打風期間，

冇買嘢煲湯，

唯有飲罐頭湯頂住先，

呢煲粟米紫菜蛋花湯簡直快靚正，

唔使5分鐘就有得飲啦!

五香淮鹽煎雞翼

噚日，

香港經歷咗一個超級颶風~"山竹"，

攪到我哋真係有得震、冇得瞓呀!

外面大風又大雨，

隔住個窗都感受到"山竹"嘅風力，

而且細仔房仲俾D風吹開咗個窗添，

好彩發現得早，

唔係吹走咗個窗就大件事喇!

攪到大家成日都好似做緊作戰狀態咁，

超級緊張!

緊張就要食雞翼補補身先得!

蒜香小排骨

打風啦!打風啦!

聽講話呢個"山竹"無論風速、外圍環流和雨帶好犀利，

大家一定要做好防風措施呀!

今日晚餐整咗碟蒜香小排骨，

炸起嚟咸咸香香，

啤一啤就最啱啦!

勝瓜炒肉碎

超強颱風"山竹"逐漸嚟緊香港，

攪到班師奶好鬼緊張，

個個買定好多餸菜返屋企做儲備，

雖然我都係師奶，

不過我仲未開始儲量，

可能我見屋企仲有幾罐罐頭係度啦!

不過要買定D菜係屋企就真；

今日菜價貴咗唔少，

平日菜芯$10斤，

依家就要成$14斤，

買咗2條勝瓜收我$17，

好貴啊!

返鄉下

噚日星期三，

老公、姑奶和我3個人返惠州辦事，

中午就約咗朋友係佢公司附近食飯，

老板娘好好人打咗折俾我哋，

6個人先食咗230人民幣呀!

惹味雞

拿拿拿，

呢包又係泰國買返嚟嘅醃料，

簡單又易做，

用嚟醃雞扒、雞翼、豬扒都應該得呀!

煎出嚟咸咸香香，

真係幾惹味架!

歐式麵包中班~第五、六堂

九穀黑麥麵包&鄉村麵包&磨菇鄉村麵包

照亞sir俾嘅食譜，

呢兩堂麵包都係整健康麵包，

唔知係咪亞sir知道我哋冇肉不歡，

所以加咗好多肉俾我哋呀!

閒話家常

今個星期六日，

雖然冇咩心情寫blog，

但我都有煮飯架!

簡單又好味嘅早餐B~雪菜肉絲湯意粉，

仲有今日煲咗海帶陳皮綠豆沙，

雪凍佢嚟食就更加正喇!

南乳芋頭炆排骨

臨近中秋，

又係食芋頭嘅時候喇!

小魔怪至愛食芋頭，

每次煮親呢個餸，

佢一定會食多幾碗飯架!

飯盒(8)

又嚟post大小魔怪嘅飯盒餐啦!

素食飯盒係大魔怪的，

而有肉嘅飯盒，

咁緊係小魔怪架啦!

生日飯~洪水橋皇都園林餐廳

今日係我正日生日，

今朝一早已經收到好多朋友仔whatsapp和facebook上嘅祝福，

真係超級感動啊!

又大一歲了!

今年生日願望~就係身體健康!

簡單嘅生日飯，

我、老公、小魔怪和姑奶一齊食，

大魔怪仲未放工，

唯有等舊曆生日先一齊慶祝啦!

大小魔怪好乖仔，

大魔忸俾咗$500我買嘢食，

而小魔怪就買咗包我至愛嘅咸蛋黃魚皮請我食呀!

梅菜蒸豬肉

母親大人真係好鐘意食甜梅菜，

上月中先俾咗4棵惠州買嘅梅菜過佢，

佢話咁快又話食完，

仲吩咐我如果返開惠州，

又要同佢入貨喎!

惠州買梅菜12蚊人民幣1斤，

而係香港呢???

我哋天水圍賣26~28蚊斤，

母親大人住沙田，

佢話賣成32蚊斤，

有冇咁貴呀???

泰式煎豬頸肉

上年去泰國清邁買咗唔少方便醃料包返屋企，

食下食下都就嚟用哂啦!

除咗成日整嘅泰式香辣雞翼外，

呢個泰式煎豬頸肉，

都係我哋至愛嚟架!

今次煎得1塊，

小魔怪話食唔係好夠喉喎!

素湯~合掌瓜甘筍粟米眉豆花生紅棗湯

好耐冇煲素湯俾大魔怪飲喇，

襯今日得閒有時間，

即刻煲個靚素湯俾佢飲先得!

豉汁洋蔥雞

之前切咗個洋蔥冇用到，

今日就用佢煮雞啦!

豉汁洋蔥雞，

我食得最多嘅唔係雞，

而係D洋蔥呀!