雜錦沙律

老公話想食沙律，

我緊係要即刻行動啦!

材料好簡單，

薯仔、粟米粒、青瓜、蘋果和雞蛋，

撈埋少少沙律醬，

雪凍佢就食得啦!

天水圍新北江~海南小廚

噚晚懶得煮飯，

我、老公、小魔怪和佢女朋友，

4個人齊齊落屋苑商場搵食喇!

小魔怪想食川菜，

所以揀咗嚟呢度~海南小廚。

由於老公唔食得太辣，

所以我哋揀咗幾個餸都係唔辣版!

快滾蛋~節瓜咸蛋蝦乾肉片湯

天氣開始熱，

想飲湯但又唔想煲到個廚房咁熱嘅話，

嚟個滾湯就最啱喇!

春夏至愛湯水~節瓜咸蛋蝦乾肉片湯。

深圳飲飲食食一日遊

今日襯Anita仲未返英國，

我哋4位travel buddy又嚟一次快閃深圳呀!

約咗9點係上水火車站等，

過咗中國海關就去港島口岸大酒樓~飲早茶!

呢餐好似飲咗175人民幣。

元朗正記菜館

今晚專登帶小魔怪和佢女朋友仔，

試下香港地道大排檔嘅風味，

我哋揀咗嚟元朗正記菜館，

5個大人叫咗6個餸、4碗飯和2支啤酒，

加埋$601，

都幾抵食架!

食完仲去B仔食埋碗B仔涼粉$81，

飽到上心口呀!

豆角叉燒炒蛋

每次睇見街市有青豆角賣，

我就會好想食一個餸架啦，

咩餸???

就係豆角叉燒炒蛋喇!

簡單易做又好送飯，

係咪好正呢!

開飯啦喂!

今日大小魔怪和小魔怪嘅女朋友仔都返嚟食飯，

係咁二整咗3餸1湯，

再加碟油炸鬼配肉骨茶，

開飯啦喂!

蘿蔔牛筋腩

煮蘿蔔牛腩時，

我鐘意加埋條熟牛筋落去一齊炆，

如果買到舊靚牛肚就更加好啦!

可惜今日搵唔到靚金錢肚，

有少少失望啊!

日式炒烏冬

好似好耐冇post食譜咁，

不過呢其實我好勤力，

日日都有煮飯，

絕對冇偷懶架!

就好似呢餐煮咗碟日式炒烏冬，

雖然睇落好簡單，

但我都好俾心機煮架!

旺角~至尊重慶雞煲

噚晚，

我哋約埋姐姐一家，

專登帶小魔怪嘅女朋友仔嚟咗呢度食雞煲；

2小時任飲任食雞煲火鍋放題，

7個人可以叫2個雞煲，

1煲小辣1煲中辣，

食完仲可以加湯打邊爐添架!

又唔貴喎，

每人都係$158咋!

2018日本九州福岡之旅~第六日(完結篇)

3月9日(星期五)

快樂嘅時光好快過，

今日係九州福岡之旅嘅最後一日，

食完早餐之後，

我哋攞埋哂D行李，

去天神長途巴士站搵儲物櫃放行理，

好好彩我哋去到仲有4個放大行李嘅儲物櫃，

安置好D行李，

我哋去附近商場行下啦喂!

清潤湯水~海底椰雪梨乾甘筍粟米麥冬椰棗煲豬腱

係粉嶺雲泉仙館買咗個湯包，

加肉煲湯又得，

加個蘋果煲水飲又得，

真係點煲都咁好飲呀！

2018日本九州福岡之旅~第五日

3月8日(星期四)

今日天氣認真麻麻，

間中仲橫風橫雨添呀!

食過酒店早餐次後，

我哋又要出發喇!

今日目的地係糸島!

靠哥哥(google地圖)搵到天神三丁目巴士站，

用sunq pass坐呢架Showa巴士，

唔使一個鐘頭就到糸島啦!

粉嶺雲泉仙館

雖然今日係大小魔怪生日，

但我哋都選擇去粉嶺雲泉仙館拜祭奶奶呀!

今日呢度好多旅行團嚟參觀，

好彩我哋早去咋，

唔係就冇位泊車架啦!

大小魔怪生日會

明天係大小魔怪23歲生日，

就連小魔怪女朋友仔都嚟咗香港呀!

今日襯咁齊人，

緊係要集合一齊慶祝下啦!

2018日本九州福岡之旅~第四日

3月7日(星期三)

酒店早餐其實都有6款揀架!

不過睇來睇去都食有肉食嘅啱我多D囉!

Anita真係醒目喇，

佢係網上睇到呢個網站~Japanican.com

搵到買sunq 3 day pass有優惠，

每張平2000yen架!

Anita真係抵錫呀!

今日就用sunq pass 搭長途巴士去湯布院由布院喇!

提提大家，

去湯布院由布院一定要預早上網book定車票，

因為都幾多人去架!

2018日本九州福岡之旅~第三日

3月6日(星期二)

其實我哋住果間酒店位置都唔錯架!

附近有大丸和三越百貨公司，

行10分鐘左右就到西鐵站和長途車站，

真係去邊都咁方便呀!

襯今日天色唔錯，

我哋就去太宰府、柳川遊覽下；

去西鐵站買咗張遊太宰府和柳川嘅套票，

仲包一程遊柳川嘅船票添!

味噌薯仔雞翼

係日本福岡買咗包味噌返香港，

今日就用佢嚟煮薯仔雞翼，

而用呢個味噌汁嚟撈飯嘅話，

真係惹味到呢，

又要添飯先得囉!

2018日本九州福岡之旅~第二日

3月5(星期一)

今日天氣不似預期~落雨!

食過酒店早餐後，

我哋就搭地鐵去姪浜，

嚟呢度做咩???

因為呢度有個outlet~Marinoa city fukuoka，

即係shopping時間又到喇!

2018日本九州福岡之旅~第一日

3月4日(星期日)

我哋4位Travel buddy搭早上7:45機去日本福岡，

一落機就拿拿臨買少少嘢食醫醫肚先，

跟住就去機場攞我哋上網book咗sunq pass和去湯布院由布院嘅車票。

~sunq pass~自由乘搭九州長途巴士及普遍巴士

 

青紅蘿蔔粟米螺頭花膠豬腱湯

係日本福岡返嚟，

口乾乾又開始流鼻水，

可能開始作感冒了；

見好耐冇煲老火湯，

拿拿臨買齊材料煲朱家例湯喇!

平時花膠仔我會先出水，

但今次懶就咁放入煲裡一齊煲。

2018日本九州福岡之旅~手信篇

上次去日本名古屋相距今次嚟日本福岡都有4個月，

所以話咗唔會買太多零食番嚟啦!

不過呢，

就買好多嘢俾自己喇!

T-fal廚具套裝、波鞋、手袋等，

仲配埋老花加藍光眼鏡，

仲有好多100yen唔等使嘅雜貸，

最後入到機場禁區都要買埋薯條和拉麵，

真係財散人安樂囉!

2018日本九州福岡之旅

早早早晨呀!

今日朝早我哋4位travel buddy，

齊齊飛去日本九州福岡玩6日，

聽講果邊天氣平均8度~17度左右，

天氣應該不似預期會落雨，

希望唔會影響我哋吃喝玩樂巳心情啦!

時款日式麵包製作精選實習高班~第七堂

特濃芝士忌廉捧&芝士香草橄欖長棍包，

呢堂係年廿八上架，

果日勁少人返學，

亞sir將D材料加碼俾哂我哋呀!

咸菜肉絲

今日炒呢碟咸菜肉絲，

用嚟送粥、送飯或煮麵食就最啱喇!

最最最重要係加咗隻辣椒仔落去，

夠哂惹味呀!