XO醬西芹腰果蝦仁

哈哈，

過年前炸嘅腰果仲有少半樽係度，

竟然仲未俾我偷食哂，

今次啱哂喇，

我可以用嚟做餸菜呀!

材料: 急凍蝦仁1包、西芹半棵、腰果適量、XO醬1湯匙、薑片、蒜蓉

醃料: 鹽少許、麻油少許、胡椒粉少許

調味: 蠔油1茶匙、豉油1茶匙、糖半茶匙、水4湯匙

做法: 蝦仁解凍後用廚紙索乾水份，落醃料醃1小時；西芹去根後切片備用；

燒熱水，落西芹灼1分鐘後撈起沖沖水備用；

燒熱油鑊先爆香薑片，落蝦仁快炒至兩面轉色後上碟備用；

原鑊爆香蒜蓉和XO醬後加西芹快炒，加入蝦仁和調味煮至汁濃後熄火，

加鑊蓋焗多1分鐘，將西芹蝦仁上碟後，灑上腰果便成。

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page