返鄉下過年~惠州

每年年初三，

我哋都會返惠州過年；

今年返到屋企，

堂弟婦已經幫我哋做哂清潔，

仲擺放咗好多款生果係枱面，

一大堆生果，

寓意生生猛猛，

呢個堂弟婦真係抵錫喇!

打咗一陣麻雀，

就到另一位堂弟家食飯，

客家農家菜，

我鐘意呀!

初四下午，

我哋又去堂妹家拜年，

佢哋仲利害，

有地方自家養雞鴨和種菜添，

保證冇落農藥和添加劑呀!

餐餐都有雞鵝鴨食，

今次唔肥幾磅都唔得啦!

返親惠州有咩做???

哈哈，

就係打麻雀、食、瞓喇!

今日返香港之前，

我哋係惠州睇埋套釜山行(港繹~屍殺列車)，

呢套戲想睇好耐，

又幾好睇喎，

唔錯!

今次帶咗以下手信，

沙田柚、花生、蘋果、棗、煎堆、綠茶，

堂弟婦自家養嘅雞、自家製臘腸臘肉，

堂妹送嘅杞子。

下面嘅7個收納袋係我係羅湖城買架，

原本開價100蚊人民幣有3個，

依家俾我講價講到150蚊人民幣有7個呀!

仲有個喼，

300蚊人仔有交易。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page