雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2017年2月13日星期一

雜菌燴生菜(冬菇、姬松茸、牛肝菌、雲耳)

呢碟雜菌燴生菜係煮俾大魔怪食嘅，

雖然佢話唔多鐘意食菇菌，

但每種菇菌都有唔同營養價值，

多進食係對身體有益架!

材料: 冬菇、姬松茸、牛肝菌、雲耳、生菜、薑片、生粉水、紹酒

調味: 素食蠔油1.5湯匙、豉油1湯匙、冰糖1小粒、水1.5碗

做法: 將冬菇、姬松茸、牛肝菌和雲耳浸軟去硬蒂，揸乾水份備用；

燒熱油鑊落薑片和所有菇菌爆香，贊少許紹油快炒後，

落調味炆45分鐘，加少許生粉水埋茨汁後，

將雜菌舖在灼好的生菜面便成。