薑米揚州炒飯

見屋企有一大碗冷飯，

簡單炒個港式揚州炒飯嚟食都好喎!

用咗蝦、叉燒、雞蛋、生菜和冷飯，

加埋薑米落去一齊炒，

一個字~香!

材料: 冷飯、蝦仁、雞蛋、叉燒、生菜、薑片

醃料: 鹽、胡椒粉、麻油

做法: 蝦仁解凍後用廚紙索乾水份，落醃料醃15分鐘；

雞蛋發好備用；叉燒切粒；生菜切絲；薑片剁碎成碎粒；

燒熱油鑊倒入蛋液快炒至半熟後上碟；

原鑊落少許油落薑米和蝦仁，煎至蝦仁熟後盛起；

落少許油加叉燒爆香後，落冷飯快炒，盡量將冷飯炒至鬆散後，

落少許鹽和半湯匙豉油調味，

最後加埋蝦仁、雞蛋和生菜絲炒至飯粒乾身便成。

  

大家可以入嚟Facebook讚下我新開嘅Fans專頁呀!
雀后(添飯)Facebook Fan Page