上湯蟹肉燴伊麵

老公生日，

我煮咗長壽伊麵俾佢食，

出動埋罐美味蟹肉罐頭，

倆口子撐枱腳呀!

材料: 蟹肉罐頭1罐、伊麵2個、草菇4兩、韭黃$4、蛋白1個、

清雞湯2湯碗、鹽、紹酒、粟粉2茶匙(粟粉水)

做法: 草菇切片後，將半湯匙紹酒加入水內煮滾，

放入草菇灼至軟身後盛起瀝乾水份；韭菜切段；

燒熱水，放入伊麵灼至軟身後撈起備用；

將1碗雞湯煮滾，加入伊麵炆至汁乾後上碟(令伊麵入味)；

將餘下的一碗雞湯煮滾，加入草菇、韭黃和蟹肉煮滾後，

加鹽調味，落2茶匙粟粉水令湯汁杰身，

最後熄火後加入蛋白攪勻，將蟹肉湯淋在伊麵面便成。

~可用新鮮蟹肉代替罐頭蟹肉。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page