白汁芝士蘑菇菠菜焗薯蓉

白汁芝士蘑菇菠菜焗薯蓉，

大魔怪至愛之一，

今次唔記得睇火所以芝士面燶咗少少，

好彩都唔影響到味道啫!

材料: 菠菜1斤、白蘑菇200g、白汁蘑菇湯1罐、

薯仔3個、mozzarella芝士適量

調味: 鹽1/4茶匙、牛油半湯匙、牛奶2湯匙

做法: 菠菜洗淨後，燒熱水灼15秒至轉色後，即放入凍水內浸一陣；

取出菠菜後盡量將菠菜水份揸乾後，將菠菜切段備用；

將薯仔放入煲內烚30分鐘或至薯仔腍身，取出薯仔襯熱去皮搓成薯蓉，

加入調味搓勻放入焗盆內；蘑菇用濕布抹乾菇身後切片；

不用落油，將蘑菇放入鍋，炒至蘑菇軟身後，

加入1罐白汁蘑菇和1/3罐水煮滾，落埋菠菜煮至翻滾後熄火，

將白汁蘑菇菠菜舖在薯蓉上，舖上mozzarella芝士，

預熱焗爐180度15分鐘，放入焗爐焗15分鐘或至芝士溶便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page