少油版~椰菜肉絲炒烏冬

今日一早出門要去醫院做例行抽血，

等下星期覆診時就知結果架啦!

午餐食得清淡和簡單，

自己炒少油版~椰菜肉絲炒烏冬，

食完碟底一滴油都冇，

好健康啊!

哈哈，

一係唔炒，

一炒就大大鑊，

咁就可以做埋午餐和晚餐，

慳水又慳力呀!

材料: 烏冬5個、椰菜半個、梅頭豬肉$25、甘筍1條、

鹽半茶匙、紹酒半湯匙、麻油少許

醃料: 豉油1湯匙、糖1茶匙、鹽1/4茶匙、粟粉1茶匙、麻油少許

調味: 干炒豉油皇2湯匙

做法: 梅頭豬肉切絲後醃料醃1小時；將椰菜切絲，甘筍去皮切絲；

燒熱水，將烏冬煮至軟身後瀝乾水份備用；

燒熱鑊落少許油將肉絲炒熟後上碟備用；

燒熱鑊落少許油將椰菜、甘筍絲快炒，

落紹酒和鹽1/4茶匙炒至菜軟身後，

加烏冬和肉絲快炒，最後加入調味和少許麻油炒勻便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page