3月2日(星期三)
每朝起身，
第一時間走近窗邊，
望下東京新宿嘅清晨，
真係好靚啊!
今日得一個行程~御殿場outlet!
我哋行去新宿西口小田急百貨旁邊，
搭小田急高速去御殿場outlet，
車程差不多2個鐘頭架!
去到東名御殿場落車，
搭接駁巴士去御殿場，
入咗場就搵食先，
Samwei朋友介紹日本麥記出咗新口味~梅味薯條和車厘子味汽水，
我就揀咗食Double Mac加麥樂雞，
嘻嘻，
真係好過份呀!
每次嚟日本outlet，
我都會買對波鞋俾大小魔怪做生日禮物，
呢對係大魔怪的，
小魔怪仲係英國，
今次佢冇份喇!
至於個Nike袋呢，
緊係買俾自己啦!
御殿場可以遠望富士山，
可惜當日有雲，
影得唔係咁清楚呀!
試埋個新口味雪糕，
我哋就搭小田急高速返新宿啦!
唉，
回程塞車，
搭咗成3個幾鐘先返到新宿呀!
回程順便去小田急百貨地庫嘅熟食區，
晚上8點半開始全部食品有折扣，
半價或7折，
睇啱就要買，
買哂就收工，
買埋日本人氣芝士餅，
嘩，
呢餐食得好飽呀!
大家可以入嚟Facebook讚下我新開嘅Fans專頁呀!
晚餐睇到我流口水
回覆刪除係呀，樣樣都又平又好食!
刪除真係好多野食。
回覆刪除係架，睇到我哋眼花撩亂呀，又要快手，唔係就俾人揀哂D靚嘢架啦!
刪除哩個晚餐無得頂,正到痺呀)))))
回覆刪除即日來回OUTLET都唔錯
呢餐晚餐真係食得好飽呀!
刪除睇見你哋就好想去日本呢~
回覆刪除去啦，好好玩架!
刪除雖然我地無見到櫻花，但見到個富士山已經係 bonus喇。
回覆刪除係呀，一見個富士山，我哋都好似顛咗咁係咁影相呀!
刪除