小魔怪鐘意食芋頭，
成日叫我整芋頭俾佢食，
見到佢近排好努力溫書準備考試，
好啦!
滿足一下你喇!
材料: 鴨半隻、芋頭半個、老抽1湯匙、冰糖大粒、5~6碗水、薑2片、蔥絲
調味: 南乳一大磚、柱候醬1湯匙、紹酒1湯匙(搓勻)
做法: 芋頭切件後，落油鑊煎至兩面金黃色；
將鴨洗沬抹乾水份，用老抽搽勻鴨身上色，
燒熱油鑊煎煎鴨身至金黃色後上碟備用；
用原鑊(煎鴨會出鴨油)爆香薑片和調味醬料，
加入鴨、冰糖和5~6碗水炆1個半鐘左右，需間中反轉鴨件以防黐鑊；
熄火後唔好開鑊蓋繼續焗至開飯前，翻熱鴨件後加入芋頭炆至芋頭腍身，
鴨件斬件上碟加入蔥絲裝飾便成。
(如唔想斬鴨，可請街市亞姐預先斬件)
(用炆下焗下方式烹調，會令鴨肉更腍架。)
大家可以入嚟Facebook讚下我新開嘅Fans專頁呀!
芋頭炆鴨好正呀!好鍾意食芋頭不過未試過炆鴨覺有D複雜!
回覆刪除其實唔難架，不過一定要去鴨尾呀!唔想成隻炆，斬咗件比較方便呀!
刪除我想問炆完隻鴨先放芋頭落去呀?
回覆刪除係呀，因為芋頭好快腍，一定要最後先落呀!
刪除好正！一碗白飯撈汁已足夠！
回覆刪除南乳汁撈飯，真係好鬼正架!
刪除半隻鴨，夠佢一個人食咋！
回覆刪除哈哈，其實又真係唔多夠食架!
刪除咁香咁好味!!大魔怪真係忍得住??
回覆刪除佢好有定力架，俾我實忍唔到呀!
刪除你要煮多Ｄ飯，好開胃．
回覆刪除南乳汁真係好鬼惹味，撈飯食最正呀!
刪除我老公同你個仔一樣~都like 食芋頭呢~!
回覆刪除佢真係好鐘意食芋頭呀!
刪除我想食件芋頭呀 !!!
回覆刪除哈哈，手快有手慢冇呀!
刪除好惹味,芋頭又合時......正
回覆刪除個芋頭真係好粉架!
刪除等我都食番兩件滿足下先.
回覆刪除快D過嚟食啦!
刪除送飯都唔錯呀。
回覆刪除送飯一流呀!
刪除我都愛芋頭呀,d汁撈飯一流
回覆刪除就係鐘意佢D汁，用嚟撈飯最正呀!
刪除燜鴨好正呀，但！但咁大隻食唔食得晒架！
回覆刪除呢度半隻鴨咋，唔係好多肉食呀!
刪除我最喜歡食炆鴨！
回覆刪除雞鴨我都鐘意食呀!
刪除現在輪到阿媽孝順番个仔 , 奖吓佢
回覆刪除見佢成個星期日都走咗落會所溫書，咁乖咪整D好嘢俾佢食囉!
刪除以前我媽很喜歡整芋頭炆爉鴨, 炆鴨反而少整.
回覆刪除臘鴨我都鐘意，不過怕肥呀!
刪除見到這個美味炆鴨， 真係流哂口水了。
回覆刪除用南乳柱候醬炆鴨，特別惹味架!
刪除芋頭炆鴨正呀! 我細仔都係鐘意食薯仔芋頭之類的食物, 反而大仔唔鐘意.
回覆刪除大小魔怪兩個人口味都唔同架，所以有時好難煮餸呀!
刪除我好難整到成隻鴨, 少人食... 唯有炆排骨 ;)
回覆刪除炆排骨都好好食架!
刪除正呀正呀 , 我都好鍾意食芋頭0架 , 不過好怕洗芋頭 .
回覆刪除我請街市亞姐幫我去皮，所以唔使做咁多嘢呀!
刪除