近排栗子當造，
係佳寶買咗2磅栗子，
除咗炆餸煲湯外，
仲可以用佢嚟整個素菜煲架!
材料: 栗子15粒、雪耳3個(細)、甘筍2條、草菇4兩、薑片、紹酒
調味: 素食蠔油1湯匙、豉油1湯匙、老抽大半湯匙、糖和鹽各少許、粟粉水
做法: 燒熱水放入栗子煲1分鐘，用刀輕輕去栗子衣；
雪耳浸軟去蒂備用；草菇用薑片和紹酒出水備用；
甘筍去皮滾刀切件；燒熱鍋落油爆香薑片，
加入甘筍、栗子、雪耳、調味和1碗半水炆至栗子腍，
最後加入草菇和粟粉水埋茨汁便成。
大家可以入嚟Facebook讚下我新開嘅Fans專頁呀!
我鍾意食栗子呀.
回覆刪除栗子煮咩都咁好食呀!
刪除這味餸啱哂我口味啊 ! 正 ....
回覆刪除清清哋，唔錯架!
刪除好煮意呀 我愛栗子
回覆刪除me too!
刪除栗子好食又有益，讚！
回覆刪除好懷念街邊炒栗子呀!
刪除而家喺美國都多左好多靚粟子賣！我想請教下用木耳代替雪耳會唔會好奇怪？我地啲中式乾貨好矜貴，買得木耳又冇買雪耳 >.<
回覆刪除個人喜好，落木耳雪耳雲耳都得架!
刪除呢個餸超啱我食~ 粟子煲湯好甜好飲, 不過我較少買來吃, 因為一買總忍不住吃很多.
回覆刪除哈哈，我買咗2磅，有排食呀!
刪除這個素食又幾好， 樣樣有D。
回覆刪除嘻嘻，樣樣有D，夾夾埋埋就好多架啦!
刪除Hi, 雀后,
回覆刪除...燒熱水放入栗子煲1分鐘，用刀輕輕去栗子衣；
請問: 妳的栗去殼了,是嗎? 最麻煩是去殼和衣, 如果有簡單方法就好了!!!
今次我買去衣栗子；上次買桂林錐栗子連殼都唔難開殼呀!
刪除整栗子要好好心機^++^
回覆刪除唔怕，慢慢整咪得囉!
刪除雖然栗子真係好好味, 但唔依得, 會用其他蔬菜嚟取代.
回覆刪除落冬菇和馬蹄都唔錯架!
刪除粟子好味又有益，讚！！
回覆刪除買咗2磅栗子，真係要用盡佢呀!
刪除