炒三絲!

噚日和今日，

大魔怪學校舉行陸運會，

今年佢冇參加任何比賽，

因為佢要做工作人員，

唔知係咪佢太投入太落力，

攪到肌肉酸痛，

痛到成晚都瞓唔好覺；

做亞媽嘅我心都痛埋囉!

食止痛藥和搽咗按摩膏，

希望可以舒緩痛楚啦!

 

材料: 豬頸肉3塊、甘荀半個、台灣榨菜半個、蒜蓉、花雕酒少許

醃料: 豉油1湯匙、老抽少許、鹽半茶匙、糖和粟粉1茶匙、麻油少許

做法: 將豬頸肉、甘荀和榨菜全部切絲；

用醃料醃豬頭肉1小時；

燒熱鑊加少許油，爆香榨菜絲和甘荀絲，

加半茶匙糖快炒至廿荀軟身後盛起；

燒熱鑊加少許油落蒜蓉和豬頸肉爆香贊酒，

落埋榨菜絲和甘荀絲快炒後，加3湯匙水加鑊蓋焗至汁乾便成。

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page