鮮腐皮雞扎!

係深水埗樹記買咗D腐皮碎都仲未用完，

用嚟煲湯又煲過糖水，

今次我用嚟整點心~鮮腐皮雞扎!

諗住蒸2件雞扎獨食啦!

點知小魔怪啱啱放學返咗嚟，

唉，

又要同佢一齊分享啦!

 

 

 

材料: 雞扒2塊、魚肚2條、火腿扒1塊、珍珠筍1罐、腐皮碎(長型)

醃料: 豉油1湯匙、老抽少許、鹽、糖和粟粉各1茶匙、

玫瑰露半茶匙、薑汁1湯匙、薑蓉和蒜蓉各少許

做法: 魚肚浸軟用薑蔥出水後瀝乾備用；雞髀肉切成條狀，


用醃料醃雞肉和魚肚；將雞、魚肚、火腿和珍珠筍捲入腐皮內，

隔水蒸15分鐘便成。(盡量搵較闊身嘅腐皮碎)

  


 

大家可以入嚟Facebook讚下我新開嘅Fans專頁呀!
雀后(添飯)Facebook Fan Page