深水埗~添好運、樹記、公和!

10月2日(星期二)，
三個女人原本約埋一齊入長洲，
不過驚長洲好多人(撞船後又驚咗搭船)，
所以決定改行程去深水埗啦!
第一站~添好運點心專門站!
俾我發少少牢騷:
其實排隊唔緊要，
不過唔該公平少少啦!
遲嚟先有枱，
早到要繼續等;
仲有大聲投訴嘅大陸客會即刻有枱，
我哋呢D斯文客就要死等，
公平咩???

 

我唔想同某某人一般見識，
但都要同經理理論一下，
原來大聲夾惡係有用架，
咩世界呀???!!!

講番食物，

個酥皮叉燒包、馬拉糕和黃沙豬潤湯真係超好食，

其餘的還可以啦!

第二站~樹記腐竹，

呢度真係日日都咁多人排隊，

好彩D人買嘢都好快，

我哋排咗15分鐘左右啦!

真係太多嘢想買，

不過我哋買完俾哂錢後，

先後悔冇買腐竹呀!

嚮鈴、素雞、腐皮碎

第三站~公和荳品廠，

豆腐花+煎釀豆腐+釀豆腐卜係人人必食的。

 

食完買咗出名嘅腐乳和豆腐卜呀!

今次我仲有禮物收添，

多謝哂呀!

  

 

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page