孜然肉碎炒薯絲!

今日我哋返舊屋拜山呀!

一早瞓醒已經落緊雨，

仲諗住會取消添!

好彩老公堅持話要去咋，

去到拜山又冇落雨，

仲涼涼哋添，

好舒服啊!

講番呢碟惹味炒薯絲，

真係好鬼香o架!

因為我加咗孜然粉和花椒粉落去炒，

好有北方風味呀!

今次買2個薯仔都係$4.1，

可以炒埋一大碟，

發達囉喂!

材料: 薯仔2個、豬肉碎$5、薄荷葉、蒜蓉

醃料: 豉油、老抽、糖、粟粉、麻油各少許

調味: 孜然粉半湯匙、花椒粉半湯匙和鹽1茶匙

做法: 薯仔去皮切絲，用水浸半小時或以上後瀝乾水份；

肉碎用醃料醃15分鐘；先燒紅油鑊快炒肉碎至8成熟後盛起；

再加2湯匙油爆香蒜蓉加薯絲舖平略煎至兩面少許金黃色，

加入肉碎快炒至薯絲軟身(全程不用加水)，

盛起後加入自家種薄荷葉裝飾便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page