雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2012年4月22日星期日

蒜泥白肉!

今日終於見到太陽伯伯啦!

而且仲有D熱添，

我嘅涼拌菜又可以出籠啦!

今次用咗個新蒜蓉夾夾蒜蓉，

又幾蓉喎!

拔，

食完生蒜，

個口好大味o架!

呵呵呵!

材料: 帶皮腩肉、薑、蔥、紹酒、蒜頭8粒

調味: 台灣醬油膏2湯匙、辣椒豉油半湯匙、鎮江醋3/4湯匙、糖1茶匙、

麻油少許和2湯匙凍滾水

做法: 將豬腩肉用薑、蔥和紹酒出水30分鐘；

(舊腩肉太大就要煮耐少少啦!)不用開蓋焗15-20分鐘，

取出腩肉洗淨浸冰水，放回雪櫃雪1小時左右，

食前取出切片備用；蒜頭用蒜蓉夾夾成泥，

燒熱少少滾油拌入蒜泥和調味醬汁撈勻，

淋在切好的腩肉上便成。