大小魔怪由今日起開始放暑假!
而嚟梗新學期佢哋會升中四啦!
2個仔對理科都冇咩興趣，
剩係鐘意睇歷史書，
所以如無意外佢哋都會選讀文科呀!
美其名話慶祝佢哋放暑假，
實際係由於我昨日睇波睡眠不足，
唔想郁唔想做，
所以今日叫KFC食呀!
1個檸辣脆雞桶餐$188、4個葡撻$16(特價)和4隻蜜蜜燒雞翼$42，
合共$246，
不過用匯豐信用咭有九折，
即係$221.4咋!
話說上網訂滿$150會有一盒薯格送，
但唔知有咩原因冇送嚟，
問問大家會會打電話追番呢???
而我就梗係追啦!
我唔係貪心，
只係我應該有嘅點解唔爭取!
打電話個店員初初話我有匯豐優惠話所以冇得送喎!
嘩!我D無明火又嚟啦!
我梗係駁佢啦!
明明睇到有嘢送，
仲寫明其他優惠可同時間使用，
如果唔得咪寫啦!
一間咁大機構點會咁o架!
個店員聽我講咗一大堆嘢，
都有D怕咗我，
仲話轉頭覆我添!
哈哈!佢真係好快覆我話電腦出錯，
即刻派人送過嚟呀!
同場加映~涼拌炸菜腎片
材料: 台灣炸菜1個半、火雞腎4個
調味: 泰式雞醬、雞粉、糖和麻油
做法: 將炸菜洗淨浸5分鐘(台灣炸菜冇咁咸，浸嘅時間較短)；
火雞腎洗淨出水20分鐘，用冰水浸5-8分鐘；
將炸菜和火雞腎瀝乾水份切片放入大盒中，加調味攪勻，
放入雪櫃雪一晚食得!(記得洗、浸炸菜和火雞腎要用凍滾水呀!)
這是專登整俾同事食o架!唔知好唔好味呢???
咁就要等佢哋明天食過先知啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!