上次blog聚時，
藍媽媽整咗個藥膳雞腳請我哋食，
一個字嚟形容~正呀!
原來係酒樓食呢個雞腳好貴o架!
得果幾隻雞腳，
食到我到喉唔到肺，
唯有今日自己整咗嚟食啦!
整咩嘢都要多係我嘅特色，
整咗一大煲，
邊個有興趣就埋嚟食啦喂!
藥膳雞腳
材料: 雞腳2磅、瘦肉$15、當歸10片、黨參4條、
紅棗20粒、龍眼肉、杞子、薑、蔥和雞湯1盒375L
做法: 雞腳和瘦肉用薑蔥和紹酒出水，記得幫雞腳去甲呀!
其他材料浸洗備用；將4碗水和1盒雞湯煲滾，
將材料放入煲內煲45分鐘(除杞子和雞腳)；
最後加埋杞子和雞腳再煲多30分鐘便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!