小暑即係小暑，
雖然今日都有番少少D風，
不過都係熱到我死死吓!
仲要煲埋冬瓜湯，
個廚房超熱呀!
唔想食飯食咩好，
梗係食沙律啦!
昨日除咗整咗個泰式酸辣鳳爪外，
我仲用新鮮粟米、薯仔、蘋果、青蘋果和青瓜粒，
整咗個超簡易沙律。
配上燒雞髀，
嘩!簡直透心涼到痺呀!
燒雞髀沙律
材料: 雞髀6隻
醃料: 叉燒醬、海鮮醬、豉油、老抽、糖、粟粉
做法: 將雞髀中間近骨位界開少少，用醃料醃雞髀2小時或以上；
預熱焗爐220度15分鐘，焗雞髀50分鐘，中途反轉焗至兩面金黃色。
冬瓜排骨生熟薏米瑤柱湯
荷蘭!荷蘭!
我係7-11抽咗2個荷蘭公仔，
唔通今次世界杯~荷蘭攞冠軍!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!