今日我哋老師和小朋友到運動館舉行運動日，(有冷氣o架!)
玩競技、接力等等遊戲，
小朋友非常投入和踴躍參與，
連老師嘅我都玩得好開心呀!
不過返到學校超攰囉!
成個人散哂呀!
無力添!
唔想買餸，
唯有求求其其剿雪櫃有咩食咩啦!
孜然焗雞膇
材料: 雞膇2磅
醃料: 孜然粉、豉油、老抽、糖、麻油
做法: 用醃料醃雞膇2小時：預熱焗爐200度15分鐘，
焗雞膇30分鐘，每15分鐘反轉焗另一面。
柱候薯仔炆牛腩牛筋
材料: 牛肋條、牛筋、薯仔、薑、蔥和紹酒
醃料: 豉油、老抽、糖和麻油
調味: 柱候醬1個半匙羹
做法: 牛肋條先用薑蔥和紹酒出水後用醃料醃1小時；
牛筋切大件備用；薯仔去皮切大件；燒熱油鑊爆薑、牛肋條和牛筋，
加水蓋過牛肋條面炆至1小時後加薯仔，再炆15分鐘便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!