呢排熱到真係連煮都冇咁起勁呀!
最好日日有冰凍嘢食就好囉!
每次食親熱嘢我D汗就勁流，
有時我仲要開埋冷氣和風扇一齊吹先涼番咋!
老公都話我好誇張o架!
今日見打唔成風，
我整咗個冷麵嚟食，
不過唔係用烏冬、拉麵或蕎麥麵，
而係紅薯粉絲!
芝麻雞絲紅薯粉絲(冷麵)
材料: 紅薯粉絲1包(4個)、雞髀肉一塊半、青瓜半個、蛋2隻、芝麻
醃料: 鹽和紹酒(醃雞髀肉)
調味: 李錦記芝麻涼拌醬、燒汁3湯羹、蒸雞汁3湯匙、麻油
做法: 用醃料醃雞髀肉蒸熟後拆成雞絲備用；
青瓜切絲用鹽醃一會後倒出水份；將蛋煎成蛋皮後切絲；
芝麻炒香備用；燒熱水煮紅薯粉絲7-8分鐘，過冰水瀝乾水份上碟；
用麻油撈勻紅薯炒絲，把雞絲、青瓜絲和蛋絲放在紅薯粉絲面，
加入燒汁、芝麻涼拌醬和灑上炒香芝麻便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!