每逢上茶樓飲茶，
大家有冇必叫的點心呢???
我去親飲茶都會叫蝦餃、燒賣、鳳爪和雞扎。
不過現在唔知道係咪自己老咗和懶咗呢!
好怕等位呀!
今日我就整咗個雞扎過吓食癮先得!
自己鐘意加咩落去都得o架!
不過我唔記得買厚火腿呀!
腐皮什錦蒸雞扎
材料: 雞髀肉2塊、冬菇、魚肚、珍珠筍和腐皮1塊
醃料: 豉油、老抽、糖、粟粉、麻油、雞粉
芡汁: 蠔油、生抽、粟粉、糖和水
做法: 將雞髀肉切成條狀，冬菇去蒂，魚肚浸軟出水瀝乾備用；
用醃料醃雞肉、冬菇和魚肚；腐皮抹淨剪厚邊和長條狀，
將雞、冬菇、魚肚和珍珠筍捲入腐皮內，
隔水蒸15分鐘，將芡汁煮滾後淋上便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!