上星期三，
我用整腐皮什錦蒸雞扎。
好味就好味啦!
不過次次大小魔怪夾起雞扎時，
唔知道係佢哋粗暴定係我卷得太薄的關係，
好容易散開哂。
今日我再接再厲，
買咗一盒炸腐皮，
希望包得實D啦!
蠔油雞扎
材料: 雞髀肉2塊、火腿磚、魚肚、珍珠筍和炸腐皮1盒
醃料: 豉油、老抽、糖、粟粉、麻油、雞粉
芡汁: 蠔油、生抽、粟粉、糖和水
做法: 將雞髀肉切成條狀；火腿磚切條；魚肚浸軟出水瀝乾備用；
用醃料醃雞肉和魚肚；將雞、火腿、魚肚和珍珠筍捲入炸腐皮內，
隔水蒸15分鐘，將芡汁煮滾後淋上便成。
D雞扎係咪包得好似酒樓一樣呢!
不過我用炸腐皮包咗8隻雞扎後，
都幾難搵到大塊D嘅炸腐皮包埋餘下嘅料啦!
唯有變變變，
將所有材料蒸熟佢啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!