又開爐焗嘢食啦!

 

哈哈!由中國返嚟香港之後，

 

好掛住我個新玩具焗爐添!

 

其實因為焗爐7日內有壞包換，

 

所以咪勤力D焗，

 

睇吓焗爐有冇問題囉!

 

今次我就焗咗兩種超簡單嘅嘢食啦!

 

中國之旅~盤龍峽第二天(1)

 

12月29日，
天氣凍冷仲落雨添!
吃過早餐後，
便出發到盤龍峽生態旅遊區遊覽。
我們坐10人民幣巴士上山頂，
然後從山頂慢慢步行落山，
沿途風景優美，
由於天雨路滑，
原本1小時行完嘅路程，
差不多步行了2小時之多，
行到腳有點攰和酸軟啊!
我諗係時候開始要鍛鍊身體啦!

中國之旅~盤龍峽第一天

 

 

12月28日早上9時，
我和老公便出發到深圳灣關口
等待關鍵嘅旅遊巴士，
今次整團有38人。

 

Boxing day拆禮物啦!

 

今日係12月26日boxing day，

 

終於可以拆禮物啦!

 

呢份禮物係我想要好耐，

 

不過老公成日話買咗唔知擺邊，

 

所以一直都冇買，

 

好失望啊!

 

近日，我放假無無聊聊行百佳，

 

俾我睇到一個好抵嘅焗爐~皇冠牌$199咋!

 

對一個唔識用焗爐嘅我，

 

梗係想買返屋企當玩具玩吓都好啦!

 

焗吓雞翼和意粉，

 

諗起都想食呀!

 

不過梗係要問問老公意見啦!

 

點知老公話買囉!

 

仲話當係聖誕節禮物添!

 

咁我即刻買咗返屋企，

 

整我第一道用焗爐整嘅美食啦~芝士洋蔥肉醬焗意粉!

 

 

 

平安夜!

 

早上，

 

收到老公電話，

 

佢話每年我放假都會專登出去同佢飲茶，

 

又係喎!

 

咁咪應承佢囉!

 

點知佢話搵多6個位要埋同事飲茶，

 

激死我啦!

 

明知我唔鐘意搵位和等位啦!

 

仲要我搵埋俾佢D同事，

 

不過俾面老公，

 

唔好係同事面前失威，

 

好啦!順你一次咁多啦!

冬至!

 

今日是中國節令之一嘅冬至，

正所謂冬大過年，

雖然唔係咩好餸，

最重要梗係一家大細坐埋一齊食餐飯啦!

 

　　

熱辣辣羊腩火煱!

 

今日天寒地凍，

 

適逢幼稚園個廚房訂羊肉星期一打邊爐，

 

又咁啱訂多咗羊肉，

 

又見一磅都係$22，

 

於是咪叫廚房讓3磅過我，

 

自己炆嚟食先得!

     

 

咖哩薯仔牛根腩煲!

 

咖哩唔單只係我嘅飛弗，

 

仲係小魔怪嘅飛弗添!

 

每次我整親咖哩，

 

佢必定要用大湯碗裝飯，

 

因為想撈汁食飯呀!

     

 

今日是西洋菜日!

 

今日係西洋菜日，

 

因為我買咗2大扎，都係$8。

 

為咗唔好浪費，

 

諗吓整D咩嘢餸，

 

用哂佢哋先!

 

藍地季季紅!

 

每年我們都會選擇兩個日子(生日和離逝)，
探望已離開我們的父親大人。
每次看到相片裡的父親大人，
總是面露笑容，
感覺上，他永遠是存在我們的心目中。

母親大人每次看到電視或雜誌介紹美食後，
都會不停叫著要去嚐試，
今次目的地是藍地季季紅!

     

黑椒雞翼!

 

聖誕節將近，

 

我又要開始協助籌備幼稚園聖誕慶祝會事宜，

 

佈置課室、預備慶祝會食物、編排坐位和遊戲等；

 

更要訂新學年的書、安排新生入學、協助幼稚園開設下午班的事宜，

 

真係忙忙忙；

 

不過最忙是聖誕假期裡，

 

我們老師要寫學生的上學期評估報告，

 

包括文字和相片報告，

 

1月4日交。

 

我諗一個原本開心愉快的假期，

 

忙忙忙、趕趕趕、寫寫寫的情景下渡過了。

     

濕炒or乾炒好呢？？？

 

係時候要清清腸胃啦!

 

唔好再食咁多油膩嘢，

 

於是決定今晚煲粥和炒河粉。

 

但我猶疑了很久，

 

究竟濕炒河定乾炒河好呢???

 

之前我成日整乾炒河，

 

嘻嘻!今次就整濕炒河粉啦!

     

 

Pizza hut!

 

大小魔怪除咗鐘意食肯德基家鄉雞之外，
佢哋仲好鐘意食pizza 添!
連奶奶咁老人家(90幾歲啦!)，
都嗜愛pizza呢!
為咗滿足大家嘅期望，
於是今日襯工人姐姐放假，
我就叫番餐pizza俾佢哋嘆吓啦!
呢餐總共$288，
我叫咗一個$231套餐。

又有抵食嘢啦!

 

每逢星期一，

 

我都比較清閒，

 

可以早早收工，

 

慢慢行街市，

 

 

(之後幾日我就急急腳買咗就走人!)

 

睇吓有冇平野買，

 

又俾我睇到海鮮檔有平價瀨尿蝦賣，

 

有幾平???

 

真係平到我唔信呀!

 

2斤只係$20咋!

 

咁平，梗係咪走雞買番2斤返屋企，

 

整個椒鹽瀨尿蝦嘆嘆先!

 

(唔知道係咪魚檔哥哥仔想早D收檔，

 

俾咗唔只2斤我呀!我要用個錫紙盆先裝得哂呀!)

 

椒鹽瀨尿蝦

 

材料: 瀨尿蝦2斤、辣椒1隻、蒜蓉和乾蔥蓉

 

調味: 椒鹽粉

 

做法: 洗洗瀨尿蝦後抹乾備用；燒熱油鑊炸瀨尿蝦至熟和皮脆盛起；

 

爆香蒜蓉、乾蔥蓉和辣椒，將瀨尿蝦回鑊快炒，

 

最後加椒鹽粉便成。

 

    

 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page

 

孜然豬寸骨!

 

自從係中國買咗孜然粉之後，

 

耐不耐我都想用佢嚟整嘢食。

 

不過老公話孜然味道好怪，

 

但大魔怪和我就非常鐘意啦!

 

大魔怪仲話有燒烤嘅風味呀!

 

所以今日放咗工後落到元朗，

 

見到急凍舖有豬寸骨賣，

 

忍唔住我又買咗嚟整啦!

     

 

超超超標啦!

 

見好耐冇食過豆腐，

 

又唔想加肉碎，

 

於是買咗盒什錦海鮮返嚟，

 

加埋雪櫃嘅蟹柳，

 

就咁整咗碟什錦海鮮豆腐啦!

     

橙香骨!

 

近日我喜歡每日都食一個橙，

 

因為鼻敏感常常發作，

 

所以希望增加維他命C會有幫助啦!

 

不過食橙食到悶哂!

 

唯有改改食法，

 

用橙嚟整個餸啦!

 

     

懶人炒烏冬!

 

失眠原來是一件慘事!

 

昨晚瞓到半夜竟然醒咗，

 

平時我會好快會瞓番，

 

不過唔知點解，

 

竟然瞓唔著，

 

仲聽到老公D鼻鼾聲，

 

好嘈呀!

 

睇睇原來得1點幾鐘，

 

唉!唯有推醒佢叫佢唔好嘈，

 

哈哈!老公竟然識得問我佢平時唔嘈咩???

 

我話我點知喎!

 

平時我一覺天光，

 

今日就瞓唔著嘛!

 

唔夠瞓自然冇心情煮餸，

 

唯有食懶人炒烏冬啦! 

 

驚唔夠食，洗咗2杯米煲飯!

 

有飯、有烏冬，仲有餸添!