今日買咗$35新鮮梅頭豬肉，
切完片後得番一碟仔，
蒸出嚟真係冇咩睇頭架!
唯有加咗堆銀魚仔係豬肉面上一齊蒸，
咁先有得夾下咋!
平時整素日式咖哩，
大魔怪好鐘意配香蔥薄餅點嚟食，
今次我整咗個小型蛋包飯俾佢配日式咖哩，
雖然個蛋皮俾我煎到老咗少少，
但見佢食都得好滋味咁喎，
成碟照鏡呀!
我鐘意食梅頭豬扒，
冇骨兼啖啖肉有咬口，
今餐整咗呢碟椒鹽豬扒，
真係好送飯架!
整小魔怪嘅飯盒其實好簡單，
晚餐煮多少少餸，
裝入餐盒俾佢第二日拎番公司叮熱就食得，
佢仲專登買咗個小size嘅玻璃飯盒，
飯量唔使太多，
餸菜多D就唔怕喇!
噚日買咗舊鯇魚腩，
用咗嚟炆咸酸菜，
今次冇落辣椒因為老公唔食得辣，
鐘意食辣嘅朋友仔可以加幾隻辣乾落去一齊煮架!
星期六同大小魔怪和老公去頌富商場，
想話去辦理轉電話服務，
順便將電話號碼轉番佢哋名下，
咁我就唔使想幫佢哋交電話費啦!
點知轉名要再簽新約，
大小魔怪話要再考慮喎!
順便去頌富搵嘢食，
嚟譚仔三哥都唔錯架!
今朝早煮定煲南乳蓮藕炆排骨，
食前先再加埋D支竹落去炆，
支竹索哂D南乳汁，
真係好好食架!
今日整咗日式自製照燒雞翼，
簡單好味又易整；
所以話呢，
雞翼，
點煮都咁好食架!
小魔怪帶飯有一個簡單嘅要求，
就係帶飯餸最好唔好有骨啦!
哈哈，
即係啖啖肉就最啱佢喇!
每次煲老火湯，
我都鐘意買有泥果款紅蘿蔔嚟煲湯，
感覺上啖湯會濃甜好多架!
