薑蔥蒜花雕雞!

 

踏入六月份，

到咗2010-2011年學期尾啦!

即係我要寫學生下學期評估報告的大日子，

呢幾日我一定要的起心肝，

快快趕起我嘅報告呀；

不過我依家咩都唔做，

剩係想食飯咋!

 

椒鹽魚肉豆腐!

 

魚肉豆腐唔一定蒸o架!

我鐘意用呢個半煎炸方法整嚟食，

灑上椒鹽，

特別惹味呀!

 

2011包糭記!

 

自從跟圍村亞嬸學包老公家鄉客家糭後，

起碼連續5年我都有包糭。

雖然唔講得話D糭包得好靚，

不過食嘅人食得開心，

我都好滿意啦!

煎粟米墨魚餅!

 

前日開咗盒粟米粒，   

用咗少少整咗pizza，

今日就用佢嚟整餅啦!

不過都係有剩呀!

 

屋企例湯~冬瓜冬菇瑤柱肉粒咸蛋湯飯!

 

夏天我好少會煲老火湯，

滾幾滾嘅湯就最啱我啦!

今日滾咗個冬瓜粒湯，

加埋少半碗飯，

就成為我嘅湯飯啦!

話時話，

呢個冬瓜粒湯係我家例湯嚟o架!

 

pizza!

好可憐呀!

見個個blog友仔食咖哩都有薄餅食，

而我就冇!

唔得，

我要搓個pizza嚟止癮先得!

等我搵吓屋企有咩材料，

全部放哂落去啦! 

五十嵐!

 

今日放工我唔返屋企住，

和同事一家三口食晚飯，

我哋去咗天水圍頌富商場裡的五十嵐，

食壽司和拉麵呀!

咖哩薯仔洋蔥炆豬軟骨!

食咖哩梗係要配薄餅啦!

拔，

我搵勻成間超級市場都冇得賣呀，

唔通要自己整???

蠔油花雕蒸雞!

係上星期六晚上，

屋企發生咗意外呀!

老公聞到一陣燶味，

我哋搵勻成間屋都搵唔到燶味嘅源頭；

終於發現了，

原來係部老爺冷氣機發出嚟，

老公關機之際，

有3個人即刻係度歡呼，

大小魔怪和我呀!

我哋大家都話:

好嘢，

有新冷氣機用啦!

即刻同老公去買機，

大型連鎖電器店一部2匹冷氣機賣$5999，

直銷店就賣$4480，

唔使諗啦!


平咁多即買，

星期二送貨，

星期三裝機呀!

母親大人的生日晚宴!

今日我哋一行十二人，

為母親大人慶祝62歲生日，

為咗就祈祈BB，

我哋去咗火炭銀禧花園裡面嘅金伯利酒家食晚飯。

呢個餐都好鬼抵o架!

平時食$14XX，

星期六日訂房就加$300，

我哋加多半隻燒鵝，

都係$1960咋!