今日要清樽XO醬，
所以買咗D帶子返嚟炒西蘭花，
見雪櫃有大隻蝦仁，
一於放幾隻落去炒埋一碟啦!
宅在家3個月，
日日有咩做，
買餸煮飯做家居清潔，
上網煲劇睇小說外，
其餘時間都係發"吽"豆囉!
炆咗碟黑椒洋蔥排骨，
加強殺菌和抗感冒啊!
一個不一樣的復活節假期，
原本大家都計劃出外旅遊，
現在受新型冠狀病毒疫情嚴峻的影響下，
我哋全家唯有留港過節，
除咗南乳炸雞翼和日式大蝦沙律係我整之外，
姐姐就整咗宜家買嘅素丸和豬肉丸，
其餘的食物全都係叫外賣呀!
哈，
呢餐又係食牛肉呀!
亂棍打死牛魔王，
咪即係豆角炒牛肉囉!
每當冇咩煮意時，
呢碟滑蛋炒蝦仁，
就會出現架啦!
哈哈，
希望唔會俾人投訴我啦!
大魔怪話想食咖哩，
簡單煮咗呢鍋素咖哩俾佢食，
食咖哩點可以唔配薄餅呢!
呢餐唔使食飯都夠哂飽啦!
今晚牛魔王又嚟喇!
黑椒牛仔骨，
超級惹味，
送飯一流呀!
酥炸南乳雞翼，
唔好講笑，
真係好鬼脆口，
最鐘意用手一路揸住雞翼食，
一路啤啤佢架喇!
飲勝!!!
今朝去街市買餸咗D蝦，
今晚就煮咗呢碟金銀蒜粉絲蒸開邊蝦喇!
雖然係就係麻煩咗少少，
要逐隻蝦剪鬚、開邊和挑腸，
又要炸蒜蓉，
又要浸粉絲；
但見大家食得咁開心，
蒸完出嚟唔使10分鐘就已經俾我3個人KO哂!
做多少少嘢都唔怕啦!
今日煲冬瓜~湯!
冬瓜粟米排骨湯配瑤柱薏米和蜜棗，
呢個湯有袪濕利尿、清熱解毒等功效架!
夏天飲就最啱喇!
