白背木耳紅棗瘦肉湯

 

為咗健康，

呢排我會整多D有白背木耳和雲耳嘅餸菜或湯水，

今日就煲咗個白背木耳紅棗瘦肉湯；

呢個湯唔落肉都得架，

煲完當水飲，

最緊要食哂所有白背木耳呀!

臥床休息

 

呢個聖誕不平凡，

平安夜去做CTCA，

檢查報告顯示有危險，

體檢中心2小時內已出報告俾我，

當晚我即係攞埋報告去天水圍醫院睇急症，

咁啱呢兩日聖誕假期，

心臟科醫生放假，

我需要係醫院靜養休息，

等醫生返工後再作決定。

平安夜

今日約咗下午1點15分去尖沙咀照CTCA，

照完差不多3點，

我和老公求其搵間餐廳食午餐；

我哋係尖沙咀行咗一陣，

真係太多人啦!

而且又開始封路，

我哋要行到去清真寺附近先搭到巴士返天水圍，

咁啱遇到日落，

好靚呀!

黑椒蘑菇牛柳配西蘭花苗

 

近排細仔又開始健身，

佢要補充好多蛋白質，

雞蛋、雞胸肉、牛肉、西蘭花就成為佢日常食物，

今次就整咗黑椒蘑菇牛柳配西蘭花苗，

啱哂佢口味啦!

冬至快樂

噚日冬至，

我哋去咗大仔家過冬，

同親家奶奶一共7人，

簡簡單單打邊爐做節，

大仔和親家奶奶準備咗好多嘢食，

包羅萬有，

大家都食得好滿足呀!

今年有朱小B一齊過節，

特別開心呀!

外賣~八方雲集

今晚得我和細仔兩個人食晚飯，

唔想煮就叫外賣，

細仔話想食餃子，

所以叫咗八方雲集，

呢餐$172.88。

我又入院喇!

唉，

我又入院喇!

噚日中午時份，

我個心口翳住翳住咁，

怕死嘅我即刻去天水圍醫院睇急症，

登記見完護士後，

即刻安排去做心電圖、抽血6支和照x~ray，

等咗一陣就去見醫生；

醫生做過初步心臟超聲波檢查後，

佢話初步唔似心臟有問題，

不過都係建議我入院觀察，

順便等抽血報告，

就係咁，

我住院啦!

入院後我竟然發燒，

雖然唔係高燒，

但都要做流感測試、檢尿、檢痰等，

好彩到今朝燒已退，

9點幾又去咗照x~ray，

今次主要係照頸椎和膊頭，

結果係發現我頸椎有退化跡象，

物理治療師要我做強化運動。

今朝見醫生，

醫生話我所有血報告都很正常，

佢知我有3高，

建議我自費去做CTCA電腦斷層心臟冠狀動脈血管造影，

如果等政府醫院排期，

起碼要等好幾年；

我返到屋企，

已經約咗下星期三去照CTCA，

希望冇事啦!

返惠州Hea幾日

12月15日星期一

 我和老公中午返咗惠州hea幾日，

一落車就去食個快飯，

揀咗幾個餸，

呢餐食咗￥54。

朱小B百日宴

 

今日朱小B舉行百日宴嘅大日子，

地點係香港朗廷酒店Chalet宴會廳，

今次延開6圍，

全部都係雙方親戚，

大家共聚一堂，

好開心呀!

菜遠肉片炒河粉

近排我好鐘意食呢款河粉，

煮湯粉又得，

炒粉又得，

今次用佢嚟炒菜遠肉片河粉，

加少少我至愛嘅XO醬拌食，

非常惹味呀!

雪梨乾山楂麥冬茶

雪梨乾山楂麥冬茶，

有潤燥生津、消食健胃、滋陰清熱等功效，

味道酸甜酸甜，

熱飲冷飲都可以架!

唔用雪梨乾，

可以落蘋果乾都得架!

用新鮮雪梨和蘋果得唔得???

梗係得啦!

食飯盒

 

當呢排冇咩煮意，

又或得我和老公兩個人食飯時，

我都懶得去煮，

等老公黃昏去做運動後，

就去買兩餸飯$43，

一盒兩個人食啱啱好呀!

雜錦湯烏冬

雪櫃仲有半盒清雞湯，

今餐就用佢嚟煮烏冬，

摷下雪櫃有咩食材就放落去，

3個人食4個烏冬，

啱啱夠食咋! 

揚州炒飯

 

屋企食剩咗幾塊叉燒，

今日就用佢嚟炒飯，

呢個揚州炒飯有好多料，

叉燒、蝦仁、雞蛋和菜芯粒，

簡單又好味道呀!

生菜魚肉湯

前兩日滾咗個生菜魚肉湯，

簡單又好味道，

細仔食到Lam Lam 脷呀!

外食~雲貴軒

今日我和老公全日出咗去做助選團，

午餐買外賣，

晚餐就去咗新北江雲貴軒食嘢，

兩個人食咗$142。

豉汁鳳爪炆排骨

好耐冇炆過鳳爪啦!

今日見凍肉舖D炸鳳爪啱啱倒出嚟，

仲幾大隻添，

於是買咗9隻返嚟炆排骨，

呢個餸加咗辣豆瓣醬去煮，

辣辣哋好送飯呀!

蕃茄雞蛋燴肉碎

今晚得我和老公兩個人食晚飯，

簡單煮咗呢碟蕃茄雞蛋燴肉碎，

大大碟撈飯一流架!

新明苑園林海鮮酒家

我哋元朗牛潭尾政府開始收地啦!

舊屋已經登記咗，

唔只要收地拆屋，

最重要連老爺山墳都要搬，

真係好大件事呀!

呢度大伯、姑奶和老公佢哋由細住到大，

而大小魔怪細細個成日返嚟玩和燒嘢食，

依家要清拆，

大家都好唔捨得。

今日返去舊屋了解情況，

老公又專登上老爺山墳睇下有冇張貼通告，

我哋日後見步行步啦!

之後就去附近新明苑飲茶，

呢餐3個人食咗$267。

黑椒薯仔牛柳粒

細仔呢幾日WFH，

佢話要食肉喎!

可以吖，

即刻攞2塊牛柳出嚟解凍，

整咝呢碟黑椒薯仔牛柳粒。

西洋菜紅蘿蔔粟米咸鴨腎煲豬腱

不時不食，

冬天西洋菜當造，

好嫩冇渣；

我買咗$20西洋菜煲湯，

今次煲豬腱，

咁食西洋菜時就唔會咬到骨頭喇!

支竹馬蹄羊腩煲

我星期五已經炆定支竹馬蹄羊腩煲，

留番星期六同老公和細仔一齊食，

我哋一路食一路睇善心滿東華，

我哋決定用孫仔名義打電話去捐錢，

我和細仔打咗十次以上先打通捐款電話，

火災無情，

人間有愛。

P.S.英文名串錯應該係Tristan。

心痛

 

呢兩日心情真係好低落，

當睇到大埔宏福苑大火，

個心真係好唔舒服，

連續兩晚都唔係好瞓得著，

一醒就即刻睇手機，

想知道最新情況，

每次睇到最新死亡數字時，

越睇壞傷心。

祝傷者早日康復，

願逝者安息!!

向呢幾日辛苦嘅消防員、警察和醫護人士致敬!

向所有熱心港人義工致敬!

願明天會更好!

嫲嫲初體驗

11月21日星期五，

因為大仔和新抱仔去咗旅行，

所以我就去咗大仔屋企，

同工人姐姐一齊湊朱小B五日；

第一眼見到朱小B，

佢影帝上身即刻扁咀，

一抱即收聲，

仲好好笑容添呀!

鮮茄紅酒燉牛肋條

上星期食大閘蟹果日飲剩咗半支紅酒，

老公話不如用嚟煮餸，

好簡單啦!

買牛肋條返嚟，

整鮮茄紅酒燉牛肋條，

配飯或配意粉都咁正呀!

栗子馬蹄紅蘿蔔煲豬腱

返咗惠州幾日，

好想飲湯，

所以今日就買咗栗子、馬蹄、紅蘿蔔和豬腱，

加埋雪櫃有嘅材料，

蓮子、百合、沙參、玉竹、茨實、薏米，

仲有龍眼肉、瑤柱仔和蜜棗，

全程煲咗1.5小時，

加鹽調味就飲得啦!

又嚟返惠州睇裝修

11月16日(星期日)

今日我和老公搭下午4點永東巴士，

由蓮塘口岸去惠州，

返到惠州的家約5點半左右，

晚餐叫外賣，

點知送漏咗個排骨臘腸飯，

但多咗盒排骨，

店家退回差價俾我；

老公話冇飯落肚唔夠飽，

於是又叫多間外賣。

一年一度大閘蟹宴

噚晚又係老公同學一年一度大閘蟹宴時間，

今年大閘蟹來自太湖，

全部都係公蟹，

超多白膏而且好肥美，

我和老公食咗3隻蟹(兩份食)，

加埋其他餸菜，

呢餐食咗約$750(兩個人)，

飯後甜品有薑茶、綠豆糖水和雪糯米糍。

沙田新城市廣場北京樓

 

今日住廣州堂姐一家，

專登落嚟香港探母親大人，

我哋約咗佢哋一家三口，

去沙田新城市廣場北京樓食午餐，

6個人食咗$925.1。

15屆全國運會場地自行車比賽&牛奶冰室

第15屆全國運會，

香港有份舉行，

老公話一定要去支持下啦!

我哋係微信小程式~十五運會，

裡面有好多唔同賽事嘅門票，

我哋揀咗係香港將軍澳舉行嘅場地自行車比賽，

每張門票￥80，

中午12:00至6:00。

現場睇比賽氣氛真係好唔同，

感受到單車嘅速度，

支持者打氣聲，

好興奮架!

我哋睇哂上半場，

食埋個下午茶就返屋企啦!

茶聚

今日同老公參加茶聚，

每位$50，

有得食有得抽獎，

每人仲有個禮物袋，

有一對碗、金銀花沖濟、毛巾2條、艾草養生錘和發光棒。

老公幸運抽到個護腰背墊，

啱哂我打電腦用呀!

銀魚仔蒸肉絲

屋企包銀魚仔就嚟食哂，

我記得呢包銀魚仔好似係流浮山買，

睇嚟搵日要去行返轉先得啦!

氣炸菜遠肉絲脆麵

今日細仔WFH，

整咗佢至愛嘅脆卜卜麵；

今次我用咗3個蝦子麵嚟氣炸，

其實用全蛋麵都得架!

五指毛桃茯苓粒煲雞湯

細仔話想飲雞湯，

咁啱屋企有五指毛桃和茯苓粒，

拿拿臨買隻雞番嚟，

斬件出水，

加埋薏米、杞子、去核紅棗和薑，

落10碗水水滾落料(除杞子外)，

轉中小火慢慢煲2小時，

最後10分鐘加杞子，

按個人口味落鹽調味便成。

呢個湯有袪濕和健脾開胃等功效。

新抱仔碩士畢業&大埔我也愛你咖啡館

新抱仔陀住朱小B讀完個碩士課程，

噚日學校舉行畢業禮，

朱小B緊係要出席啦!

我哋笑佢未出世已經讀完碩士，

朱小B著住大仔畢業公仔嘅畢業袍去影相，

竟然又著到喎，

真係好攪笑囉!

今日佢做咗新抱仔嘅畢業公仔，

周圍抱住佢去影相呀!

朱小B的禮物

今日朱小B收到一份禮物，

就係細仔送俾佢嘅BB車喇!

今日我哋一早開車去荃灣攞部BB車，

然後送到佢大埔屋企，

我哋去到朱小B啱啱瞓咗，

俾我哋攪醒佢試坐部車，

發少少脾氣咁啦!

好彩坐咗一陣心情靚靚咋!

中午叫外賣，

好多豬扒，

食豬扒都食飽呀!

簡單的一餐

今晚又係我兩公婆食晚餐，

我煮咗蕃茄雞蛋和肉片炒菜芯，

呢餐老公食得好開心，

因為有佢最鐘意嘅蕃茄蛋，

佢話有呢個餸可以添多碗飯呀!

榨菜肉絲湯烏冬

今晚得我和老公2個人食晚餐，

簡單用咗3個烏冬和一個娃娃菜，

煮咗一大鍋榨菜肉絲湯烏冬；

嘻嘻，

老公話2個烏冬都夠食，

唔使煮3個啦!

剩番的明天做早餐。

叫外賣

老公約咗朋友飲茶，

但細仔WFH，

佢話叫我唔好咁辛苦煮飯，

叫外賣喎!

佢揀咗食雞，

燒雞套餐和海南雞飯。

養生壺~石斛麥冬淮山湯

 

呢排我食西藥，

好鬼燥，

所以煲咗呢個石斛麥冬淮山湯潤一潤，

配料有豬腱、玉竹、蓮子百合、龍眼肉、

蜜棗和瑤柱仔。

家常便飯

我呢幾日病咗，

真係食咩都冇味道呀!

今日好番少少，

簡單煮咗個晚餐，

煎魚、蒸麵豉排骨和灼菜芯。

黑椒牛仔骨

唔知係咪凍親，

我噚晚開始流鼻水和咳，

仲有少少喉嚨痛添，

所以今朝拿拿臨去睇醫生，

食咗藥大昏迷，

瞓醒又要煮飯呀!

返惠州睇裝修

10月28日星期二

今日我和老公係羅湖，

搭3點40分大巴返惠州，

因為我哋明天要去睇裝修和買裝修材料呀!

返到屋苑樓下食埋晚餐先返屋企。

養生壺~花旗參石斛麥冬煲豬腱

今日細仔WFH，

見佢晚晚都好夜返，

好少飲湯水，

所以煲咗花旗參石斛麥冬煲豬腱，

配埋黨參、玉竹、圓肉、蓮子和百合，

呢個湯有清熱生津、滋陰潤肺、補氣養陰等功效，

重陽拜山

噚日襯星期六，

我哋一家連同大伯、大伯娘和姑奶，

齊齊返元朗牛潭渼舊屋拜山，

由於政府係附近有工程進行，

以前我哋要行斜坡上山，

依家有鐵樓梯就可以輕鬆上去喇!

不過遲下成條村都會被政府徵收做大學城，

舊屋和祖墳都應該會拆遷，

到時都唔知去邊度拜山呀!

Hea煮Hea食

我呢排真係好鬼懶，

冇咩心情去諗煮咩食，

摷下雪櫃有咩料就煮咩餸，

雞蛋、雞翼和榨菜絲係雪櫃常備物資嚟，

仲唔係就買盒兩餸飯，

咁就煮都唔使煮啦!

冬菇蝦米肉碎炒粉絲(螞蟻上樹)

今日下午我住果座洗水箱，

所以停水停咗4個小時，

攪到5點幾先有水呀!

有水都唔可以即刻用，

因為D水會比較污濁，

所以我冇煮飯，

只炒咗碟粉絲做晚餐。

養生壺~沙參玉竹蓮子百合淮山煲豬腱

噚日响惠州返嚟之後，

老公話想飲湯，

摷下雪櫃有咩材料先得；

冰箱有D醃咸咗嘅豬腱，

加埋其他藥材，

煲咗呢個沙參玉竹蓮子百合淮山煲豬腱。

返惠州飲飲食食

10月19日星期日

我、老公和姑奶3個人齊齊返惠州，

中午約咗朋友帶我哋去食農家菜，

呢度第一次嚟，

聽講話晚上好火爆，

一定要訂位先食到呀!

呢餐朋友請，

唔知幾多錢。

快高長大

朱小B真係好似大仔細個架，

簡直一個餅印架；

近日佢開始落街曬太陽，

好多公公婆婆都話佢起碼有3個月大，

以一個出世38日嘅BB嚟講，

佢算大隻，

仲好多肉添架!