今日又係一年一度包糭日，
老公有請假幫手執頭執尾架!
由於大魔怪去咗旅行，
所以今次唔包素糭喇!
比往年預少咗糯米，
所以包得46隻糭，
雖然包得少，
但隻隻糭都包得好大隻，
食一隻真係會好飽架!
材料: 糯米5斤、開邊綠豆4斤、咸蛋23隻、糭葉1斤、草2扎、
蝦米半斤、豬腩肉4磅、乾蔥頭1包
醃料: 豉油2湯匙、五香粉一包、糖2茶匙、紹酒1湯匙
做法: 豬腩肉去皮後切塊狀用醃料醃一陣；將整包乾蔥頭剁碎，
落油爆香乾蔥蓉後，加豬腩肉、蝦米、1茶匙鹽和大半碗水，
略煮豬腩肉至收汁盛起待涼，放入雪櫃雪1晚；
糯米和豆洗淨後起碼浸6個鐘，倒去多餘水份，
糯米和綠豆每邊都加3湯匙鹽和2湯匙油撈勻；
然後烚糭葉和草、咸蛋黃開半；準備好哂所有材料，就可以包糭啦!
每轉糭烚1個半鐘左右就得啦!
我都好想食。
回覆刪除妳都包嚟食啦!
刪除我鍾意你準備的料，醃到夠味。我今年未食糉呀。
回覆刪除等妳亞姨包咗糭，咁妳就有得食啦!
刪除你D糉好足料啊！
回覆刪除哈哈，咁啱拆呢個糭特別多料咋!
刪除下次，你试试肉不要炒。腌好直接包，煮出来会更好吃。😄
回覆刪除客家人包糭係要炒香D豬肉先包架!
刪除