豉汁鳳爪蒸排骨

咁多款酒樓點心食品之中，

我都幾鐘意食豉汁鳳爪和豉汁排骨架，

所以出街飲茶時，

呢兩款點心係必叫之一，

今次一次過滿足哂兩個願望，

超正啦!

講多幾句，

唐排~骨多過肉，但勝在肉味鮮甜；

一字排~肉多過骨，中間肥肥哋都幾爽口；

飛排~肉身腍滑，點蒸點炆都咁好食。

材料: 唐排$25、鳳爪8隻、蒜蓉、豆豉粒2茶匙、紹酒、薑2片

醃料: 豆瓣醬2茶匙、蠔油半湯匙、豉油1.5湯匙、老抽1茶匙、

鹽半茶匙、糖1.5茶匙、生粉2茶匙、麻油少許

做法: 燒熱水加薑片和紹酒少許將鳳爪出水後瀝乾水份，將鳳爪切半；

排骨洗淨後瀝乾水份；準備一個大碗，

將排骨、鳳爪、蒜頭豆豉粒和醃料，放入大碗內醃2小時(醃耐D越入味)；

燒熱水放入豉汁鳳爪排骨，蒸20分鐘便成。

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page