鮑汁螺片炆鴨腳(西生菜)

今日母親節，

祝天下母親日日都咁開心呀!

今日要對自己好D，

炆咗碟鮑汁螺片鴨腳，

慢慢嘆啦喂!

材料: 炸鴨腳8隻、 鮑汁螺片1罐、西生菜1個、薑片、紹酒、生粉水

調味: 鮑螺片汁、蠔油1湯匙、豉油半湯匙、老抽少許、糖1茶匙和2碗水

做法: 鴨腳用薑和紹酒出水備用；倒起鮑螺片，鮑汁留用做調味；

燒熱油鑊爆香薑片，落鴨腳和調味煮滾後，用慢火炆45分鐘；

用鹽油水灼熟西生菜後上碟；

將螺片加入鴨腳內炆至翻滾後，撈起鴨腳和螺片舖在西生菜面，

最後用生粉水埋芡汁至濃，將汁淋在鴨腳面便成。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page