除夕扒地

今日好開心，

母親大人、姐姐一家和妹妹一家，

齊齊入嚟天水圍開扒地呀!

由朝忙到晚，

開餐啦喂!

飯後仲有交換禮物，

勁開心呀!

開飯啦!

呢幾日除咗老公外，

大小魔怪和我都唔係咁舒服，

小魔怪仲發埋燒添，

所以今餐有粥又有飯，

多菜少肉。

香煎比目魚扒

我好鐘意買呢包比目魚扒煎嚟食架!

唔知係我煎魚技術太差，

定係我個易潔鑊已經壞壞哋，

第一次煎呢塊時，

黐鑊黐到七彩呀!😠

睇嚟都係換鑊嘅時候囉!

蝦仁蟹肉伊麵

前幾日煮咗呢碟蝦仁蟹肉伊麵，

小魔怪話好食喎!

佢差不多食咗3碗咁多，

點減肥呀!

家常便飯

家常便飯，

3餸1湯，

全部都係家的味道啊!

郊遊&打邊爐

本來今日約咗小魔怪和女朋友仔去冬日美食節，

點知噚晚平安夜佢哋玩到成3點幾4點先返，

瞓到中午先起身，

唯有改行程，

揸車去郊外行下啦!

舊同事聚會~天水圍天一商埸~韓圈

今晚約咗舊同事食晚飯，

揀咗食韓燒天水圍天一商埸~韓圈!

依家做緊promo~6人同行1人免費，

我哋5個大人，2個小童(但高度計成人囉)，1個小童，

即7個成人1小童(免費)，

平均每人$220。

食飽飽，

去天秀墟行番個圈，

呢度好熱鬧，

好有聖誕氣氛啊!

聖誕快樂

今年聖誕節好特別，

小魔怪女朋友仔嚟咗香港，

仲帶咗好多聖誕禮物送俾我，

好開心啊!

臘腸梅菜豬肉蒸飯

兩個人食咩好???

最簡單兼快靚正就係食蒸飯喇!

今日就整咗臘腸梅菜豬肉蒸飯，

係呢個凍凍哋嘅日子裡，

有熱辣辣嘅蒸飯，

加埋碟油菜就開得飯啦喂!

時款日式麵包製作精選中班~第八堂

其實呢堂麵包班課程已經完咗好耐，

終於有時間出番呢堂嘅麵包相啦!

洋蔥煙肉硬芝士包&無花果合桃包

蒜香煎豬扒

一次過咳、喉嚨痛和流鼻水都嚟探我，

病咗幾日，

真係成個人都散哂；

食咗藥就想瞓，

瞓醒就唔願郁，

仲有係呢幾日食咩都冇哂味道呀!

提早過冬至

襯今日齊人返嚟食晚飯，

所以就提早過冬至呀!

五餸1湯，

白飯任裝!

飯盒(2)

又嚟飯盒餐啦!

我去日本期間，

大小魔怪都冇帶飯，

日日出街食都幾重皮架!

所以我返嚟之後，

緊係要整多幾餐俾佢哋食補數啦!

2017日本名古屋白川鄉自由行之旅~第八、九日(完結)

12月5日(星期二)，

食早餐之後，

今日主要去名古屋城參觀，

我哋選擇慢慢行過去，

大約行咗大半小時左右啦!

2017日本名古屋白川鄉自由行之旅~第七日

12月4日(星期一)

之前日日都要趕去呢度果度，

今日終於有機會嘆下酒店早餐啦!

酒店早餐雖然選擇唔多，

但都幾好食架!

2017日本名古屋白川鄉自由行之旅~第五、六日

12月2日(星期六)

今日天氣都唔錯，

有太陽都有9~10度，

嚟到東尋坊主要係睇岩石；

呢度個風景真係幾靚，

但咁高我就有D怕怕，

但我見其他人行得好近岩石邊影相，

我心血少，

唔好攪我呀!

七味雞翼

我驚大家睇我個blog睇到悶，

所以今日唔寫遊記寫食譜呀!

整呢個七味雞翼，

可以煎可以放入焗爐焗，

醃耐D就仲入味添!

而且辣辣哋，

好鬼醒胃架!

2017日本名古屋白川鄉自由行之旅~第四日

12月1日(星期五)

今日又係8點鐘出發，

搵咗間餐廳食個豐富嘅早餐，

就揸車去兼六園啦!

2017日本名古屋白川鄉自由行之旅~第三日

11月30日(星期四)

今朝淺嚐個輕便早餐後，

我哋揸車出發去白川鄉，

沿途見到路上有唔少積雪，

好興奮啊!

可惜去到白川鄉天氣嘛嘛哋，

有微雨和大霧，

但冇落雪囉!

2017日本名古屋白川鄉自由行之旅~第二日

11月29日(星期三)

今朝一早我哋就出發，

揸車趕去崎阜縣高山市行高山朝市和陣屋朝市，

呢類朝市12點就完，

至於高山老街呢，

5點左右D舖頭就關門，

真係要睇嘢行街時間得好少架!

去崎阜沿途經過休息站，

簡單食碗熱辣辣嘅拉麵做早餐!

2017日本名古屋白川鄉自由行之旅~第一日

11月28日(星期二)

今朝一早我連同姐姐和姐夫一行3人，

齊齊搭香港快運飛去名古屋玩9日呀!

同姐姐佢哋去旅行有咩好???

就係日日都有哂行程表，

資料仲非常詳細添架!

而且全程有姐夫揸車和帶路，

雖然佢都係第一次嚟，

但佢認路方面明顯係醒過我和姐姐啦!

2017日本名古屋白川鄉自由行之旅~手信篇

由於今次姐姐冇加大行李嘅情況下，

我都唔敢買太多嘢返嚟呀!

雖然話唔買嘢啫，

但買下買下就越來越多喇!

今次買嘅零食特別多，

都差不多有半個喼架!

另外，

其實真係冇諗過係日本買到衫架!

但第一日行名古屋大須觀音旁嘅商店街時，

又俾我搵到有幾間商舖買大碼衫，

總共買咗4件衫，

超級意外驚喜啊!

2017日本名古屋白川鄉自由行之旅

哈哈哈，

明天我又黐實姐姐和姐夫，

三個人齊齊去旅行啦!

今次目的地係日本名古屋白川鄉，

途經高山市、富山縣、石川縣、三重縣等等，

我哋會去9日咁多架，

帶嘅衫褲都應該夠厚但唔多，

擺埋件羽絨個喼都已經冇咩位，

而且姐姐今次冇加大行李得20KG咋，

真係要好好好忍手先得，

唔好買咁多嘢返嚟，

嘻嘻，

希望可以啦!

依家未出發先興奮啊!

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

素小炒~蜜糖豆粟米雲耳炒雞髀菇

簡單整咗碟素小炒俾魔怪食，

有佢至愛嘅蜜糖豆，

加埋少少粟米雲耳和雞髀菇，

炒炒埋埋就一大碟啦!

新玩具

老公要換手機，

所以今日就同佢去周圍行下，

了解一下依家手機有咩款式喇!

其實我和老公鐘情三叔機，

但依家最新嘅NOTE 8 真係好鬼貴，

我哋呢類用家唔使用咁貴嘅手機啦!

參考sales哥哥嘅推介，

我就睇中呢部華為喇!

呢部$3198，

平過Note 8一平有多，

128GB容量夠哂大呀!

就係咁，

我又買咗個新玩具啦!

P.S老公就買咗部Samsung Galaxy C8

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page

一個人的午餐~茄汁辣肉腸肉醬意粉

今日又係得番我一個食午餐，

已經冇人陪食，

係咪應該要對自己好DD呢!

見屋企有幾支茄汁係度，

(上次分別買荷美爾午餐肉和罐裝粟米湯送的)

緊係要諗諗辦法處理佢哋啦!

所以就係咁，

就整咗呢個茄汁辣肉腸肉醬意粉喇!

叉燒

斬斬斬大舊叉燒，

買咗舊靚靚嘅梅頭肉，

緊係要整我嘅至愛~叉燒啦!

時款日式麵包製作精選中班~第七堂

蕃茄辣肉腸(salami)芝味包&酸味農夫合核提子包，

呢兩款麵包造型簡單又好食，

唔錯架!

蟲草花淮山圓肉百合杞子紅棗燉瘦肉湯

買咗個燉盅返嚟，

緊係要即刻剪綵啦!

簡簡單單燉咗個~蟲草花淮山圓肉百合杞子紅棗燉瘦肉湯；

呢個燉盅放咗料後可以放2碗半水，

啱哂我和老公慢慢嘆啦喂!

返鄉下

噚日星期六，

大伯、大伯娘、老公和我齊齊返惠州，

原因係我哋第3次做伯公和伯婆了，

返去睇下BB，

順便食薑醋和雞酒呀!

返廣州探親

前排突然知道住係廣州嘅叔父肺炎入院，

今日終於抽到時間陪母親大人返廣州探佢，

未夠時間探病就先去搵食。

豉汁排骨蒸飯

呢個星期真係幾忙架，

唔係約咗人就係要返學，

明天陪母親大人返廣州探亞叔，

星期六日又要返惠州，

所以就得今晚能夠正正經經煮餐飯食咋!

兩個人食D咩???

食蒸飯係一個好好嘅選擇嚟架!

可喜可賀

今日我哋一家全藍班，

出席大魔怪大學畢業典禮，

母親大人湊大大魔怪，

緊係都要嚟襯下熱鬧啦!

大魔怪好叻仔，

除咗一級榮譽畢業外，

仲攞到優異學業獎學金添呀!

大小魔怪兩人都學有所成，

我哋真係老懷安慰囉!

P.S小魔怪都係一級榮譽畢業架! 💕💕💕

畢業禮後有個少型聚餐，

食少少嘢就返屋企囉!

大魔怪就繼續留係學校同同學一齊影相呀!

Blog聚~常悅素食

Yahoo年代識落好多Blog友，

但到依家仲聯絡的真係所剩冇幾囉!

我哋呢班間唔中都會約出嚟食下飯，

吹下水咁啦!

昨晚就約咗去食齋喇!

出席有:EE, Angel, Terryma, 靚婆婆和我，

揀咗嚟呢度~常悅素食，

旺角登打士街32~34A歐美廣場2樓。

呢餐每人食咗$130左右呀!

鮑汁蝦仁蛋炒飯

今晚約咗Blog友仔去食飯，

所以炒定個飯俾老公和小魔怪食，

雖然睇落好似好簡單，

但落咗鮑魚汁去一齊炒，

食落都幾惹味架!

麻辣雞煲

小魔怪自英國返香港之後，

竟然連口味都轉埋；

記得以前佢對濃味嘅嘢唔多鐘意食，

如芹菜、西芹和芫茜等，

另外對辣亦都好抗拒架!

依家佢竟然冇辣不歡，

尤其係麻辣添呀!

今日整呢個麻辣雞煲，

一定啱哂佢口味啦!

時款日式麵包製作精選中班~第六堂

杏仁脆皮牛角包&吞拿魚芝士酥盒，

每次搓親酥皮，

一定好受歡迎，

整完拎番屋企已經食咗一半，

留到朝早做埋早餐，

咁就食清哂啦!

一人前~香菇薯仔炆雞翼

香菇薯仔炆雞翼，

呢個本來係小魔怪嘅今日飯盒嘅餸嚟架!

所以今朝一早起身就即刻走去炆雞翼，

點知佢突然話可以食埋午飯先出門，

就係咁，

呢個餸就做咗我哋嘅午餐喇!

話時話，

呢個餸特別在於我冇專登去醃雞翼，

雞翼解凍後先出水，

直接用醃汁去炆，

食落味道都唔差喎!

十全十美~粉葛紅蘿蔔粟米栗子馬蹄湯(素湯)

每次想煲素湯，

一定諗起煲呢個十全十美粉葛湯，

集合十種材料所煲成，

係清熱、袪濕、解毒湯水中之首選呀!

飯盒

大、小魔怪依家開始帶飯返工，

好在大魔怪逢星期二和四先帶飯(素飯盒)；

而小魔怪呢就話要減肥喎!

所以帶飯只有一個要求，

就係要多菜少肉呀!

雖然飯係隔夜煮定，

但所有菜和炒粉麵都係朝早新鮮煮的，

我一D都唔馬孚虎架!

超級例湯~青紅蘿蔔花膠螺頭排骨湯

朱家例湯又出爐啦!

一個普通嘅青紅蘿蔔湯，

加埋花膠仔和螺頭落去一齊煲，

哈，

即刻升呢幾倍啦!

一年一度~大閘蟹宴

噚晚係一年一度大閘蟹宴，

今年老公同學話攞蟹真係幾辛苦，

因為初期運來數量少而且政府驗檢又嚴格，

真係噚日朝早先知有冇大閘蟹食呀!

雖然今次大閘蟹冇往年咁大隻，

但一樣咁多膏呀!

(大閘蟹每隻$150)

時款日式麵包製作精選中班~第五堂

流沙芒果芝士竹炭包&竹炭芝士方包，

呢兩款包雖然"黑媽媽"，

但內裡一個有流心芝士餡，

一個就加咗芝士碎係入面，

好鬼正架!

冬菇土魷豬肉蒸飯

今日用蒸焗爐嚟蒸飯~冬菇土魷豬肉蒸飯，

有冇咩秘訣呢???

緊係有啦!

就係落洗米水時記得要落熱水喇，

咁個飯蒸出嚟會香軟好多架!

平時普通蒸飯大約用30分鐘就得，

但今次我加埋冬菇土魷豬肉落去蒸，

時間就加多少少啦!

生炒臘味糯米飯

噚日係萬勝節，

我哋成班麵包班同學仔乘機開大食會，

每個同學都整咗拿手小食返學，

我就整咗生炒臘味糯米飯呀!

今次我哋都好醒，

冇咩點食晚餐，

清得哂枱上嘅食物呀!

鮑魚

近日市面上有好多款唔同牌子但平平哋嘅罐裝鮑魚賣，

大約$38~$40左右有1罐；

好多朋友仔試過都話幾好食，

我緊係唔執輸啦!

搵朋友仔幫我買番罐試下先得!

呢罐鮑魚係元朗祥德買，

$38罐有5隻呀!

好唔好食???

食落應該係真鮑魚嚟，

個鮑魚汁味道咸咸哋，

用嚟撈飯都唔錯架!

大雜會

今日食大雜會，

大雜會係咩???

哈哈，

咪就係雪櫃有咩就煮咩囉!

裡面有菜有肉有海鮮(蝦米和魚蛋)，

我仲加埋十幾隻餃子添!

嗱嗱嗱，

我係想清下個雪櫃，

千祈唔好諗我係打斧頭呀!

素湯~甘筍栗子腰果湯

今日煲素湯~甘筍栗子腰果湯，

只係用咗簡單嘅材料，

唔使落調味個湯已經好好飲，

食埋湯渣嘅話仲夠哂飽肚添，

可以唔使食飯都得呀!