12月2日(星期六)
今日天氣都唔錯，
有太陽都有9~10度，
嚟到東尋坊主要係睇岩石；
呢度個風景真係幾靚，
但咁高我就有D怕怕，
但我見其他人行得好近岩石邊影相，
我心血少，
唔好攪我呀!
呢度有條手信街都幾好行，
仲有好多海鮮燒烤食添架!
我哋簡單食少少嘢就揸車去附近另一個名勝~雄島。
去到雄島本來想繼續上山行下架，
點知見天色開始變，
都係揸車返酒店休息一陣啦!
姐姐唔想休息，
走咗酒店附近商場行咗2個鐘，
再會合我哋後又繼續行多個幾鐘，
佢嘅精力真係好驚人架!
12月3日(星期三)
我哋又要離開福井啦!
跟住下一個行程係要揸3個鐘頭車去三井長島outlet呀!
呢度真係幾大架，
咪睇好少人，
因為附近有溫泉、遊樂場和outlet，
所以越晏就越多人嚟呀!
姐姐和姐夫行極都話行唔完，
呢度買衫唔啱我，
我都係搵個地方坐低等佢哋呀!
食完午餐又繼續行過，
差不多5點幾先揸車返名古屋，
住我哋嚟第一晚住嘅酒店呀!
沿途見到當日嘅超級大月亮，
好圓啊!
姐姐和姐夫行完一日都仲唔攰，
又話要出名古屋車站附近商場繼續行喎，
唔係嘛，
人都顛呀!
我攰到連晚餐都冇食，
食包點心麵算啦!
大家可以入嚟Facebook讚下我新開嘅Fans專頁呀!
我反而最復你姐夫, 他既要揸車, 還要在陌生地方已經很費神, 還要如此陪你姐姐行足全日街, 他的精神體力能支持得住才是好野!
回覆刪除哈哈，姐夫都好鐘意行街買嘢，佢哋兩個好夾架!
刪除自己開車真係去多好多地方。
回覆刪除你姐同姐夫都好行得。
有汽車導航，去邊都得啦!
刪除哈哈，shopping 係你弱項，唔緊要，去左咁多地方有車坐，已經好舒服了
回覆刪除去超市shopping我就啱，買鞋買衫我就唔係咁好喇!
刪除你姐姐同姐夫好勁啊，行咁多我一早投降了
回覆刪除同佢哋去旅行，日日行萬步以上，當做運動呀!
刪除