生炒臘味糯米飯

噚日係萬勝節，

我哋成班麵包班同學仔乘機開大食會，

每個同學都整咗拿手小食返學，

我就整咗生炒臘味糯米飯呀!

今次我哋都好醒，

冇咩點食晚餐，

清得哂枱上嘅食物呀!

材料: 糯米3杯、臘腸2條、冬菇20隻(小)、蝦米半碗、蛋1隻、

清雞湯1小盒250ml

調味: 老抽2湯匙、豉油1湯匙

做法: 糯米用煲滾熱水浸水2小時(用碟蓋好)；

蒸熟臘腸、冬菇和蝦米切粒備用；蛋打發好後煎成蛋皮切絲；

用中火燒熱易潔鑊不需落油，爆香臘腸、冬菇和蝦米後盛起；

隔去浸糯米水後，用炒過臘味嘅易潔鑊炒糯米，(全程用中火)

盡量將糯米平舖在鑊內(讓糯米平均受熱)，不斷炒至糯米乾身，

分4次逐少加入雞湯，重覆落湯和炒糯米至熟，

加入臘味和落調味炒勻，最後灑上蛋絲便成。

~可按個人口味加入蔥花和花生拌食。

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page