清湯燉獅子頭

 

煮呢個餸係就係功夫多，

 

又要切粒，又要撻豬肉，

 

又要開油鑊炸；

 

但一煲過有湯有菜有肉，

 

加多碗白飯，

 

咁又一餐囉!

天水圍~常嚐素PizzaVeg(全健康素食)

 

最近，

 

我家附近天水圍新北江商場開咗間素食pizza店，

 

呢個簡直係大魔怪嘅天大喜訊呀!

 

事關佢最like食pizza、焗飯、焗意粉等食品；

 

噚晚我同佢試咗2款晚餐，

 

$38有1件pizza、1個焗飯或意粉、餐湯或汽水，

 

我哋order2份晚餐，

 

每份餐仲可以平$2添，

 

加埋碟芝士焗西蘭花，

 

飽飽呀!

 

 

 

鹽酥雞軟骨

 

 

上星期二食過惹味雞軟骨，

 

小魔怪話唔夠喉喎!

 

佢話要食脆卜卜嘅雞軟骨，

 

咁呢個鹽酥雞軟骨，

 

一定啱哂佢口味啦!

 

 

番石榴豬展紅棗瑤柱湯

 

呢個湯水係母親大人教我煲嘅，

 

佢話番石榴好啱糖尿病人食，

 

(但胃痛嘅朋友就要少食啦!)

 

我好少食番石榴，

 

用佢嚟煲湯都係第一次；

 

呢個湯味道微酸中帶甜，

 

好似蘋果湯咁，

 

又幾好飲喎!

 

 

又嚟吃喝玩樂啦

上個星期五六日有咩做???

大伯、大伯娘、姑奶、老公和我，

又返咗惠州辦事；

辦完正經事後，

呢3日就係咁不停食食食，

睇怕又肥幾磅囉!

鮮腐竹粉絲雜菜煲

 

噚晚煮咗個素菜煲俾大魔怪食，

 

唔覺唔覺佢添咗3大碗飯，

 

名副其實~添飯呀!

 

日式咖哩牛腩

 

今日食咩餸???

 

日式咖哩牛腩，

 

A餐配白飯，

B餐配薄餅，

 

任君選擇!

香煎黑椒雞軟骨

 

雞軟骨，

 

係好鬼邪惡嘅小食；

 

不過我好鐘意食，

 

點算好呢?

 

昂平大佛半日遊

 

噚日，

 

老公舊同學、老公和我一行6人，

 

去咗昂平大佛半日遊。

 

我哋選擇搭昂平360纜車上去，

 

來回纜車$150，

 

單程$105。 

 

如有匯豐咭，

 

買車票可享9折優惠呀!

 

 

2014大閘蟹宴

 

老公舊同學一年一度嘅大閘蟹宴，

噚晚食咗啦!

又係老公舊同學負責去相熟嘅老字號舖頭攞蟹，

今次攞到嘅蟹有7兩重，

超多膏，

仲好抵食添，

每隻$110咋!

連埋其他餸菜和酒樓代蒸蟹費用，

 

 

我哋仲攞咗隻大閘蟹俾小魔怪食添，

計計埋埋我倆呢餐俾咗$800咋!

 

麵包製作精選實習中班(第十堂)

 

終完到咗麵包中班最後一堂啦!

 

今次亞sir勁好人，

 

原本整洋蔥包、芝士煙肉撻、芝士煙肉包，

 

我哋話洋蔥包好齋，

 

佢即刻攞包火腿和芝士碎出嚟俾我哋加入去，

 

而分咗好多芝士碎俾我哋放落D麵包度，

 

滿足了我哋呢班芝士怪嘅要求呀!

 

蠔油冬菇雲耳炆雞翼

 

今晚悶悶悶，

 

大小魔怪和老公都唔返嚟食飯，

 

剩番我、奶奶和工人姐姐係屋企，

 

3個人煮咩食好呢???

 

食飯就肯定架啦!

 

因為奶奶一定要食飯，

 

炆碟雞翼和灼菜，

 

又攪掂一餐囉!

 

蕃茄雞蛋燴牛肉

屋企D蕃茄本來預咗煮俾大魔怪食，

點知佢條脷生痱子，

話唔想食酸嘢喎!

蕃茄擺咗係雪櫃幾日，

唔煮就雪爛架啦!

嘻嘻，

簡簡單單嘅蕃茄牛肉炒蛋，

大魔怪俾咗個靚名俾佢~蕃茄雞蛋燴牛肉，

佢話感覺高貴D喎!

麵包製作精選實習中班(第九堂)

 

第九堂學整粗麥包、中東包和水泡包；

 

我都話過健康麵包係我屋企係超級唔受歡迎，

 

日日提住有麵包食，

 

個個都唔鬼睬我，

 

擺咗係雪櫃4日，

 

最後好彩大魔怪肯幫我清哂佢咋!

 

 

青瓜炒吊片

 

吊片係咩???

 

咪就係魷魚乾囉!

 

原來客家人好鐘意用吊片煮餸，

 

咁我又用佢嚟煮個小菜先得!

 

 

蓮藕鱆魚馬蹄綠豆煲豬展

 

每次見到街市有蓮藕賣，

 

我就諗起呢個湯啦!

 

我好鐘意飲鱆魚湯架，

 

飲湯兼食埋湯渣，

 

可以唔使食飯囉!

 

惠州~鴻禧客家王

 

星期五我哋又返咗惠州，

 

點解返得咁密，

 

因為我哋要去辦事囉!

 

 有blog友仔問我哋成日去嘅飯堂係邊，

 

我專登影低個地址俾大家，

 

等大家有機會去試下啦!

 

 呢度食咗290人仔咋!

 

鹽焗火雞腎

 

今日整呢個小食，

係小魔怪至愛之一；

真係話咁易就整到，

而且簡單又好味道，

做飯前小食或送酒就最啱啦!

 

麵包製作精選實習中班(第八堂)

 

 

第八堂整酥皮果占包&椰茸鮮奶球，

 

我唔知好唔好食，

 

因為整完麵包後就返咗惠州，

 

返己時已經俾大小魔怪兩個人食哂啦!

 

 

惠州雜記

 

上星期三、四、五，

 

大伯、大伯娘、姑奶、老公和我，

 

齊齊返惠州拜太公；

 

未試過去羅湖搭車會咁多人，

 

起碼等咗4~5架巴士先上到去，

 

等咗成個鐘，

 

曬死人咩!

 

 

素湯~蓮藕甘筍栗子馬蹄雪耳花生紅棗湯

早幾日返咗惠州拜太公，

辛苦到差D中暑；

休息咗幾日，

今日終於好番好多啦!