梅子炆鴨!

噚日買咗半邊鴨整梅子鴨，

我一路炆，一路諗:

究竟係咪應該要買一隻鴨整呢???

唉，事實上真係唔夠食囉!

我食咗一舊咁多咋!
 

 

 

 

 

材料: 鴨半隻、酸梅4粒、磨豉醬2湯匙、冰糖一大粒、

蒜蓉1湯匙、薑4片、紹酒少許、3碗水

上色: 老抽1湯匙

做法: 將鴨洗沬抹乾水份，用老抽搽勻鴨身上色，

燒熱油鑊煎煎鴨身至金黃色後上碟備用；梅子去核搓成蓉；

原鑊(煎鴨會出鴨油)爆香薑片、蒜蓉、磨豉醬和梅子蓉，

加入鴨件後贊少許紹酒，加入3碗水炆鴨1小時15分鐘，

需間中反轉鴨件以防黐鑊；待鴨涼後可斬件上碟，

將梅子汁加熱後，淋在鴨面上便成。

(如汁多可加少許粟粉水埋獻呀!)

(如鴨油多可先隔去鴨油才淋上鴨面呀！)

 

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page